Title
eng
Ezababaleli (ISIG_1885-01-01_i014)
Found in Newspaper
Article Type
xho
Letter
Author of Article
eng
M.
SubType of Article
eng
Entertainment
eng
Deaths
Language
Locations Mentioned
eng
Natal
Date
1 November 1884
Newspaper Code
eng
ISIG_1885-01-01
Identifier
eng
ISIG_1885-01-01_i014
Word Count
eng
448
Print Page
eng
ISIG_1885-01-01_p007
Page Spread
eng
7.2-8.1
Start Page of Article
eng
7
End Page of Article
eng
8
Print Column
eng
2
eng
1
Coder
eng
Sipile Nqiyama
UMCULO WASE HEALD TOWN, NOV. 14th, 1884.
Mhleli kumhla ndenza amabakwana kwelopepa lezidwangube.
Ngazwinye umculo lowo awufikanga kweminye yalomzi.—Sendofane ndiwubize ngelimpongolo elinamalolo nditi:— Dodana ludume kunene ngengoma, Zintombi zidume kakulu ngemvato, Matshawe abukeka mu namhlanje, Kanitsho ngengoma, Culani! Culani!!
Nxukwebe izizwe zilapa namhlanje, Zibizwe ngabom zibizelw' ingoma: Ipina ingoma matshawe amahle? Ipina ingoma? Culani! Culani!!
Sifane sahamba hay' inyawo zosomtina; Nxukwebe yinina lento namhla wenjenje, Culani zintombi udodana luyacula: Culani zintombi yekani imvato.
Uxolo kuni zizwe, asinamhlabeli, Uxolo kuni zizwe, sifumb' amayilo, Uxolo kuni zizwe, godukani namhlanje, Kamva sonenzela, kamva socula.
IMBONGI YE NGXONDORA.
[Sonke sizakuba zi ' Mbongi ' nonyaka nje!—ED.
UKUBUBA KUKA NAHOR MNDAWENI.
MHLELI, kaundifakele lamazwi kwelo pepa lamanene. U Nahor ngu nyana wokuqala ku Mr. Johannes Mdaweni. Wazalelwa e-Edendale, ngomhla we 24 ku January 1867. Ukulele kuwo lomzi, engomnye waba- ntwana abakuliselwe ekoyikeni i-Nkosi. Wangena e Rementeni ka Mr. Mordecai Ndaba ngo November 1879. Watunyelwa nguyise emfundweni e Lovedale. Uhleli kona kwada kwa ku September, 1884, ekute mayela nokuqala kwalonyaka (1884) wahliwa sisifo, esiba- ngele ukuba awushiye umzi wase Lovedale ngo September, lowo. Uze kufika kubazali nezihlobo zake ngo October, 1884. Kuhle kwa- bonakala ukuba isifo simcinezele. Emva kwexesha akabanga nama- ndla okuke apumele pandle. Ngo November simcinezele ngakumbi. Umke ngomhla we 14th November, etemba e Nkosini yake. Wateta lamazwi ku Anti wake u Mrs. Sondezi ngexa ab'esagula. Ngomnye umhla ute: ' Yini le ikanyayo engutyeni yako? ' Ute u Anti wake Pina? Wati yena, ' Elobala limhlope.' Ute u Anti wake, Andili- boni. Wati 'Ewe.' Ubuye wati, 'Kuyadliwa yini pezulu?' Ute u Anti wake, pina Pezulu? Wapakamisa amehlo wati, 'Paya.' Uvumile u Anti wake, wati, ' Ndipe nam ndidle.' Emva koko utandaze wati—' Nkosi elungileyo uze ube nam, ube nompefumlo wam.' Emva koko ute, ' Ndisebenzile ndigqibile, ndizakupumla ngoku.' Ubuzile u Anti wake wati, Uza kupumla eninina? Ute, ' Emsebenzini ekade ndiwenza.' Ukumshe wati, 'Everlasting Rest' Uqalile kuloveki ukuti xa kungena umntu ati makatandaze. Ngeveki yokupela ute—' Naba abantu ababini, masihambe.' Ute u Anti wake, Bapina? Ute, ' Naba, bati manditate itikiti yendlela. Emva koko ndiza kwambata ingubo ezintle ezimhlope.' Emva koko ute,'Mangapiwa ukudla., kuba ehluti sel'edlile:' watsho esa- lata ikomityi, ate u Anti wake akayibona, Unina xa ambuzayo ukuba unetembana e Nkosini, ute, ' Kakulu.' Emva koko ute, ' Nkosi uze ube nenceba kubazali bam. Ubuye wati, ' Masihambe siye pezulu? Kwapela.
Siyavelana nabazali abahlutiweyo enye yamadodana ase Natal aba- beyitumele emfundweni, ukuba ize ibuyele kwalapa izokuba luncedo kuti. Banetamsanqa abafi abafeleyo e Nkosini.
M.
Drie Fontein, Natal.
November, 1884.
[Siyambulela umbaleli wetu ositumele lencwadi ukusazisa isipelo esihle somhlobo wetu u Nahor Mndaweni. Akukade eb'enako konke ukupila kobutsha, kodwa namhla umzimba wake utshonile oncwabeni. Kuluvuyo kodwa ukuva entetweni yalencwadi ukuba unike itemba lokuba umpefumlo wake unyukele ezulwini, nase luyolweni. Oku makube kusisonwabo kubazali nezihlobo zake.—EDITOR Isigidimi.]
