IsiXhosa Intellectual Traditions (IsiXIT) Digital Archive

NGOMHLA wama 24 ku December ogqitileyo bendimenyiwe nam eluviweni Iwentsapo zase Zazulwana. Ndanduluka kusasa neqela lamadodana alapa Egcuwa. Hai siye safika sahla sabona ukuba lo ngumhla omkulu ema Zizini, kwakungengangamntu, inkosi zama Mfengu nama Gcaleka, izibonda, imantyi, amapoliaa, i teachers, ndingasateti ngabafazi nabantwana. sendiyakuti kuba ipepa lingelilo elam ndenze amazwi amafupi, nditi zaziko nezicaka zika Tixo abafundisi. Imantyi ezaziko ndiqonda u Capt. Blyth, R. M. Stanford, Capt. Hook ; abafundisi endabaqondayo ngu Rev. W. J. Hacker, Rev. Mr. Perry, Rev. P. J. Mzimba, no Rev. J. Vuso; otitshala yayingo Messrs. K. G. Underwood, E. Mda, T. Ndwandwa, Mise J. Feltman, nam nezinye ke. Siye sangena etyalikeni yapela indawo ngenxa yobuninzi babantu, bada bakutshelwa pandle abanye, ndite mna ngenxa yokutanda lento iza kwenziwa lusapo, ndati kula mapolisa akupa abantu mna niya kude ninditwale ngezandla ndingavumi ukuposwa yinto ezakuhanjiswa. Isihlalo satatwa ngu Capt. Blyth emva kokuvulwa intlanganiso ngeculo 131, kwatandazwa ngu Rev- John Vuso, kwahanjiswa ke. Lwati usapo Iwento ka Ndwandwa Iwafunda njengokungati akuko mntu ubonelayo, alwabi nantloni. Eyona nto ibete kwayola zihlobo zam kukuva abantwana base Africa befunda izinto ezinqabileyo ngenteto yase England, becula amaculo amnandi kunene abete salikumbula iculo ekutiwa ama Kristu aya kulivuma pezu kwentaba ze Ziyone, iculo lika Moses nele Mvana. Emva koviwo u Capt. Blyth waba amabaso. Emva kwalowo umsebenzi kwatetwa amazwi ambaIwa ngo Capt. Blyth, Rev. Hacker, R. M. Stanford, Esq., Capt. Hook, no Mr. Feltman. Sapuma, kanti kumaxa siya kwemnandi into, igubu elabeta amaculo egubu lamajoni ngohlobo endaliva libetwa yimikosi yabelungu ukunyuka kwayo isiya kwa Tshaka. Yati inkwenkwana ekutiwa ngu Mkwananzi ka Mr. Ndwandwa yenza omnye ummangaliso xa kudlala igubu. Ndite ndakukangela kubazali babantwana ndabona ukuba namhla lixolile. U Mr. Ndwandwa uwunyamekele umsebenzi wake, ngomnye wamadodana esitembele kuwo ukuba i Africa ikanyiselwe yi Titshala yokuqala eyakutshwa e Healdtown pantsi kwemfundo enobom ka Mr. G. Baker. Mandipeze zihlobo zam ngeliti yonke into engumntu eyayiko apo eyabona isikolo nomzi wento ka Bikitsha yaliqonda ilizwi eliti, ' Kuzo zonke intlanga lowo osukuba endoyika ndomtamsanqela.' GEORGE PAMLA.