Title
eng Imvo Ne Lovedale (ISIG_1885-04-01_i003)
Found in Newspaper
Article Type
xho Editorial
SubType of Article
eng Inyaniso
Language
Newspaper Code
eng ISIG_1885-04-01
Identifier
eng ISIG_1885-04-01_i003
Word Count
eng 389
Print Page
eng ISIG_1885-04-01_p002
Page Spread
eng 2.2-2.2
Start Page of Article
eng 2
Print Column
eng 2
Coder
eng Sipile Nqiyama
AKUKO mfo ugcina ubutsha bake nje ngo NYANISO. Enjalo nje unotshaba apa olutiyene naye kunene, olukauleza isimanga ukunyebeleza kwalo xa sukuba lufumene itutyana lokumbida, mhlaumbi lokumenzakalisa. Igama lolo lutshaba ngu XOKI. Lufana nala 'QAQANA' usazeke abaliswe ezintsomini, wafunyanwa yintokazi isiya kowayo elele endleleni, elila, elusana; yati ngosizi yamtabata yammemeka; kanti yinto endala yomntu, uxwebetu lwesigebenga, okuba nje uzinzonzisile ngabom; suka wamguqukela unina akukova ukumnceda, wambulala, wamdla! Kwezo ngcapukiso zinjalo, yena u NYANISO ngumfo ongaputuzehyo koko akwenzayo, nakoko akutetayo; kuba uyazi ukuba ekupeleni kwako konke ukoyisa kuya kuma ngelake icala; nangani wofumana inkatazo, mhlaumbi indleko, ekusukeleni utshaba Iwake olo. Siwakunjuzwa lamanqaku Zimvo Zabantsundu (ipepa lase Qonce), zenyanga edluleyo. Kuyintwana encinane kuti kanye, nesingayise neso eli, ukuba kutiwe,—kubekiswa kuti zizo ukuti,—'Isigidimi sinekwele; ' kuba asikayiboni into esingayikwelezelayo kuzo,—ingekuko ukuba asinakwele Isigidimi, sifanele, sinalo eli loku kulahlwa kwenteto ezifanelekileyo, nezenzo zengqondo ; sinekwele kukushiywa kwenyaniso, kudunyiswe amafene. Eyona ndawo inkulu isibange ukuba sicele indlebe zabafundi betu ukuke basipulapule, ngamalinga elopepa ukwenzakalisa i Lovedale. Ngabula Iona! Lomalinga ke, njengokuba kubonakala ukuba libinqele wona nje, asiyi kuba nanceba ekuwabambeni ngesixanti, lawo ate avela ekuhleni, siwadlavule, siwaxubushe ngazo zonke inyaniso ezinokusixasa; siswele iqinga, mhlaumbi, kulawo odwa oti anyebeleze ngasese, okwexesha. Asimangalisiwe ke kodwa kukuya buvela ngokuvela, okwangoku, ubutshaba be Mvo, ngokukodwa ngokubekiselele kuyo i Lovedale, noko singaboni 'fa liya kuzivelela ekwenjeni njalo. Kwibala lesi-Ngesi le Mvo ze 2 ku March, ete lonteto yalingwa ukuguqulelwa kwele si-Xosa, kwipepa le 9 ku March, abafundi babikelwa ukuba: ' Ulaulo Iwase Lovedale luyaxengaxenga; ' Ubu-Kristu bayo buyapola ; ' Ukucuma kwayo, nokubekeka eb' ifudula inako, —eb' iyintloko ngoko kuzo zonke i Institution ze South Africa,— kuya kusinya ngokusinya kule minyaka mitandatu idluleyo.' Ezindawo ngobutatu bazo siyazikanyela ukuba aziyo nyaniso; ngapezu koko no Mhleli we Mvo Zabantsundu, ukuba ub' etanda ukuyivuma inyaniso, uyazi ukuba aziyiyo, nangani zishicilelwe pantsi kolaulo Iwake olunga ' xengaxengiyo' kambe. Koku sikukankanyileyo siqamele pezu kwenyaniso ezingepenulwe nangubani, ngokubekiselele kulomzi zalatwe kuwo ezo zigxeko, nakuba kodwa singakatalele kuzicaza ngakuba i Mvo ezo sezenjenjalo ukulahlekisa abafundi bazo. Zingati zipendliwe ezona nene zokuma kwawo lomzi,—okokuba ubuye ngomva, uqubele pambili sinina, kuleminyaka mitandatu,—angakoliseka nabani kukuba i Lovedale ayilahlekene nendawo yayo ekudweleni elugqatsweni. Asiziteti ezindawo ngakuba sinabutshaba ngakwi Mvo ; kodwa sikangele ilungelo le Mfundo Yabantsundu ukuba lingabukuqwa, nabantu bakowetu bangalahlekiswa zinteto ezinje; sijonge kanjako ekubeni imfanelo yokuqala yo Mgcogeli wendaba kukuba umzi awuzele nendaba ezipendliweyo inyaniso yazo, angati ngabom nje awupakele amafene alahlekisayo.