IsiXhosa Intellectual Traditions (IsiXIT) Digital Archive

UMZEKELISO. No. III. Uvel' ap' u YIWENANI Wabarula engateni: Ehla gxebe mnta 'ka bawo, Uqwelile kule ngxoxo; Ute kona wakufika, Kweli qetsu lamagwangqa Elite labonakala, Kokwenziwa kweli bala Loluhlanga Iwabamnyama,— Wandifeza, wandigqiba. Ute kona wakungena Kweli sheyi nolu lunya Lwemfundiso eyinkongo, Ndaziva ndinesmqkla 1 Intliziyo ibuhlungu, Yinkohliso yamagwangqa, Amabandla apesheya. Kuyi nkohla, kuyi nkinga, Sesifane sam afiko, Ukuxoxa sikohliwe; Ukuteta sip'elelwe. Damanen' o Sweligukwe, 'Bazamehlo, Felin ne— Ate gongqo amakaka, Agalele kuma gwangqa : Sel'ek'ohlwe nakubona Iziposo ezikoyo ; Nabo abakohliweyo Kulandula ezo ndawo. Abe Lungu, siti kuni, Abanako okukumbi: Nosangati ungakubo Bomruqula kwa ngomso lo; Kuba wona ama gwangqa Aketuki mhla ngakwena ; Ahlangene onke, onke Ukuquba ngeli kete. Kaningene nilandule, Ezi ndaw' zimisiweyo Ngamanen' o Soligoso Nelingu Funizisulu, Negqala u Bedidlaba, Uy'se ka Noqushululu. Eli qetsu lalo mvuzo Ntlanganiso yale ngxoxo, Lenziwayo kwaba mnyama, Asi kete na ke kodwa? Kaniyeke ukuqola, Kanipeze ukucenga, Ati umntu akubuza Ngeziposo zama gwangqa, Nit' ubeda amadlaba, Senisilwa, nishwabula. Makutetwe ekuhleni, Kungabi magolonxeni; Kodwa kambe siyaxoxa, Asikwenza kuqwemesha; Sakupuma egusheni Sixoxa nje kuy' lemini.' Kupu ap' u QOND'-IMFUNDO Etwasile zinyaniso: ''Ntlanganiso, namanene, Silapa nje sihlangene, Sipicota zonk' indawo Ezilunge nale ngxoxo. Ke lengxoxo inge mfundo, Inge mpato, nango laulo Olu esipantsi kwalo. Leyo ndawo iyindoqo, Mayinikwe zonk' ingqondo. Mayitetwe ngobutyolo, 'De sikupe nemincono. Aba bantu bapesheya, Bonke, bonke sebepela, Bafanelwe kubulelwa Siti bantu abamnyama. Aba bantu bapesheya, Okunene babefike Site tyiki bubudenge; Basizama ngale mfundo, Sazizuza ezi ngqondo, Ezi sesigxeka ngazo. Kaniqonde, kanicinge, Ninqumame kancinane, Anilomu kwaba bantu Nina bantu abantsuudu. Izizukulwana zenu Zukwaleka pezu kwenu, Zingafiki neloxesha Kumabandla apesheya. Wa ma Xosa, nama Mfengu! Kanixele makowetu, Elilishwa neshologu Lokukela elohlati Senikonce le pakati, Sezinqela zonk' intshaba, Zonke, zonke zobumnyama; Elohlati leli Gwavgqa Niti namhla liyaketa, Alikwazi nokulaula, Lanihluta nemihlaba, Aninawo namakaya: Kanti noko kuyinene, Senibeta ingcenene Ngale mfundo yama gwangqa, Nolu laulo lwa pesheya Lungenise ukonwaba. Nilibele kusinina? Kanifund' ukubulela, Ninga bedi amadlaba Nakukova ukuncedwa, Nikove ukongululwa; Nanifude ni' Ncekevu, Namhla nani nizikulu: Kuzi nkosi, bafundisi, Kuzibonda, kuzityebi, Namagcis' ezityudeni. 'Kubulela kufundeni, Ukusola kuyekeni.' U NGENXENYE kupu apo Kweso qibi salo nteto ; Wabarul' exantapele, Kub' inteto imnxalile: Ningetuki ba Hlekazi, Ninganxami nozonela; Ningetuki ' mhla ngakwena.' Kwakudlana ozintsimbi, Akwanyana amaroma Ama gwangqa naba mnyama. Yabonani nigongqile, Lomucimbi usendele, Imbangeli yale ngxoxo. Lon' ikete ngokwenene, Ama gwangqa alipete: Yeyona 'nto nibona nje, Sele onke ey'songele. Lit' iqetsu ndinityele, Elindoqo liliqele, Kwi gubura lama gwangqa,— 'Fundisani imidaka, Kambe lonkwali yambesa, 'De kube kuma Hebere. Kodw' iqetsu makowetu, Alu tutu lomu Lungu, Nani nonke boma Bulu, Masibe naq'etsu linye, Simuhlambi wantaka nje. Ukuze sipumelele, Imidaka ifunda nje, Masigcine ngomuvuzo, 'Kuz' itshitshe nalo mfundo, Bapambane ezo ngqondo. 'Zenigcine 'nto zak'wetu, Ke mabandla ka Jon Bulu, Nilenzile elo qetsu Kwaba bantu abantsundu, Loba yoba bazicite, Bozilahla ngokusela 'So rogolo, so nodyuwa, Bebefuna ukucima Ezo 'nqala zezo ngcinga Zine ngqondo yokubona Imfanelo ap' ikona. Mabe maququlurana. Mr. Nantsi es'kuleni: Kodwa kon' em'sebenzini Bango Jeke, ngo Boi bonke, No Maneli emakaya; 'Zi Tyudeni ze midaka : Kunye nabo sebe bala, Ko mikulu sebe dweba: Ke mawetu lon' iqetsu, Wa bantwana babe Lungu, Umvuz' ube yi ntshenu; Nonke, nonke, kunu, kunu Bonqunguka, bonincama. Fundisani aba mnyama, Ezonteto zakudala; Ze nigcine ngelo qetsu Uz' umvuzo ube ntshenu' '