IsiXhosa Intellectual Traditions (IsiXIT) Digital Archive

I. EYOMNYAKA. Usuku Iwe 17 ka December lusuku olwalu mnandi kunene kulutsha Iwase Lovedale kuba yay'iyimini yokuvalwa kweso sikula, neyokwamkelwa kwamabaso kwabate bagqita abanye emfundweni. Ngayo ke lemini kudla ngokuti kubeko intlanganiso eyi ngqibela-qoyi' yokubuya ngezitende ukucaza zonke izinto ezenzekileyo kuwo lomnyaka. Ezikolisileyo, nezingenjalo ; ezivuyisileyo, nezingenjalo ; ukuqubela pambili okubekoyo kuwo ngendawo ezitile; imali ezingeneyo ngemfundiso, nezise ngamatyala. Ingeniso nendleko ezibekoyo kuzo zonke izibaxana ezipehlela lomzi, sidiba yomibini imizi, isikula se Ntombi neso Dodana. Kungeniwe ke entlanganisweni kuvunywe iculo, kwatandazwa. Yaye indlukazi leyo inkulu yomzi kuse kuzele tu ngabazali, nezihlobo, nabaputume abantwana, kwaye kukona bafikayo abantu, nabancinane. Emva kwako konke ke oko usukile u Mongameli, u Dr. Stewart, wangena kwindawo yenqubelo pambili ebekoyo kulonyaka we 1884 kuneminye iminyaka. Sotabata intloko zengxelo ende kunene ayifundileyo. INGXELO NGOKWASE MBEDESHWENI. Ute : Yeyona ndawo iyintloko kuzo zonke, kuba ingamandla ekukokeleni, ekulauleni, ibe iluseko Iwendawo zonke ezifundiswayo, ekuti ke yonke eyiyimbi imfundiso, nokuba ivelisa zipina iziqamo, sihlale le yelizwi siyibeke entloko. Ayina kulinganiselwa nezinye ngokubonisa inqubelo pambili, kwizinto zase mpefumlweni, nasentweni yonke emntwini, ibonakaliswe esimilweni somntu ngokuti azuzane nemikwa yenkutalo, umonde nokuyenza imfanelo ngokuyiqonda. Imfundiso ncwadi nje kodwa ezuzwa ngabafundayo asinto ib'ingacacisa nto malungana nemigudu eyenziwayo, kwano zimali abapumayo. Ude umnyaka sawuti gangxa, sinenyungu nesitukutezi sokungati awukuba naziqamo kwinto zase mpefumlweni. Kute kodwa xa selipela le seshoni yokugqibela kwabonakala mhlope ukuba sifumane sisoyika, kwati ke malungana nentlanganiso zemvuseleko eke zenziwa ekupeleni konyaka nje inxenye yavuswa; yaninzi ebondeleyo ubuni bayo base mpefumlweni. NGOKWASE MFUNDWENI. Unyaka uyakolisa. Endaweni yokuba ube ngemva kwedluleyo, upambili le. Kuti kwakwananwa imviwo ngemviwo kususela kowe 1879 kuze kulo, aye enyuka ngokunyuka amanani apumeleleyo ngokukolisayo. Siteta ezo 'Mvi we Zikula. Kwi ziqibi (standards) ezipakamileyo zakwa Rulumente kuqukwa nesi sitsha i Standard V., amanani apumeleleyo kudodana no mtinjana akutazile kanye. Asikabi nalungelo lokuwaxela kodwa ade avakaliswe komkulu. Ngoviwo Iwe Titshala Iuka September, kwanele esakuvakalisayo kwi Sigidimi esidluleyo. Izibaxa zihlanu zendidi zemfundo kwesododana isikula kususela kwesipezulu kude kuye ezantsi, abafundisi ba 7. Ke kwesamankazana zine, zibe zihlanu ngesisebenzayo. Inani labe befunda nonyaka nje kudodana 200. Kwese ntombi bane abafundisikazi, inani lentombi libe 127. Ngapandle kwezi, kuko esabantwana bakwapantsi kolaulo Iwabafundisi,—ititshala zimbini, abebeko nonyaka nje bebe 101. Ke nguko lilonke inani ngalo nyaka pantsi kwemfundiso yabafundisi base Lovedale 428, singababali abamashishini abangama 58. Lonyaka ubaluleke ngengxoxo ebekoyo ngehambiso ye ' Mfundo-pakati-kwaba-Mnyama,' eyati yavuswa yinteto eyapuma kwase Lovedale apa. Ingenise ivuso elingena sihlahla kwiqelana labafana abati ngabafundileyo, abahlabe imikosana yokuba ' Imfundo iyatotywa! ' Yabe kodwa inyaniso ingelapo, abafana abo beyawa yigqweta. IMALI EZIROLIWEYO, NEZISE NGAMATYALA. Kubonakele kwicala lododana oluntsundu ngamakulu osibozo anamashumi osixenxe anesitatu eponti, nesheleni zosibozo, nedobilityi ezisibozo (£873 8s. 8d.) Ityala ngamakulu matatu, namashumi ositoba anesine eponti, nesheleni ezilishumi elina sheleni mbini, ne sikisipeni (£394 12s. 6d.) Kwelo mtinjana ontsundu, eroliweyo, ngamakulu mane, anamashumi ositoba anesitatu eponti, neshumi lesheleni elinantatu, nedobilityi zosibozo (£493 13s. 8d.) Ityala, likulu elinesixenxe leponti, neshumi linesibozo lesheleni (£107 18s. 0d.) Abamhlope—eroliweyo ngamakulu mahlanu eponti, ne- shumi elinesibini lesheleni, ne sikisipeni (£500 12s. 6d.) Ityala ngamashumi omatatu anesitoba eponti, na sheleni ntlanu (£39 5a. 0d) lyonke ke eroliweyo liwaka linye linamakulu osibozo, namanci matandatu anesixenxe seponti, neshumi linesine lesheleni, nedobilityi zilishumi (£1,867 14s. l0d.) Ityala lilonke ngamakulu omahlanu, anamashumi mane ananye eponti, neshumi linesihlanu lesheleni (£541 15s. 0d.) Kungako ke. Lendawo iteta ngamatyala asemiyo ange- kahlaulwa, iyamvusa wonke ubani ukuba ati xa amtumelayo umntwana wake, amxobise lomalana ifunekayo ekuvulweni kwezikula. EMASH1SH1NINI. Umnyaka ube 'mbi, kwapunyelelwa nzima, ngokukodwa ekwenzeni inqwelo nokukanda, kubabopi ncwadi, nase ku- limeni. Oku kuveliswe kubalela kwe gala. Into ebalulekileyo kokusetyenzwa ngezandla ngu ' Mboniso ' obuse Kapa, ekute nakuba kudlekiweyo ngokwenziwa kwezo mpahla, yatutuzela impumelelo yabo bafundisa amashishini ngokuncomeka kwempahla yabo. Abafundi betu bayakwazi ukutshatshela kwe Lovedale e Mbonisweni apo, nokukoliswa kuka Dr. Dale, Umpatiswa Micimbi ye Mfundo, yimpumelelo ye mfundiso-mashishini kuwo. Emashishinini—zitandatu izibaxa zawo ngesokulima. Inkosi zawo zintandatu; inani labasebenzi elike lazingena ingcango zomzi nga 58 nonyakanje. IZINTO NGEZINTO. Asiyi kuzifika zonke izibaxa ze ngxelo-ngxelo zozi Ngcingo, ze Posi, incwadi namapepa angene epuma nonyaka nje 36,458; ozindwendwe abahambele umzi; nokushenxashenxa kwabafundisi njengo Mr. Weir ominyaka ingapaya kwa 50 esebenza kwelizwe. ngoku selalupele uye ke e Qonce elusatsheni Iwake. Ukubuya kuka Mr. Moir, owemka ngentswela-mpilo, nokufika kwababini abatsha. Akubangako zifo zibi, nakuncwaba nonyaka nje; ke kwako amare engqakaqa angafikelelanga kuti. Ekubulelwa ke u Mgcini-nto-zonke ngelo tamsanqa. Ukuvulwa kwe sikula sase Lovedale, koba ngolwe Sine evekini, ngomhla wama 29 ka January 1885 Ibe ke yimini aboviwa ngayo abasafikayo, kuqalela ngentsimbi yeshumi