IsiXhosa Intellectual Traditions (IsiXIT) Digital Archive

Ezindawo zilishumi zizonke, sizibone kwelinye ipepa kwawa Mangesi, zindawo zokufundwa zigcinwe ngabo bakulo msebenzi, zibe ngummiso wabo ekuwuqubeni. Zizo ezi zilandelayo :— I. Yiqonde itekisi, yalamanisa nenteto ezindala ukangele ukuhlangana okukoyo. Ungake ubonise imfundo yako ekushumayeleni; keta amadlisa angabakoyo emfundweni yako; yiba nemfundiso entshumayelweni yako. Yilungiselele intliziyo yako e Nkosini, kwa namandla avela ngapezulu. II. Caza kunene intshabalalo atshabalele ngayo umntu, nendlela angasinda ngayo, nokuhlaziywa kwake ngu Moya Oyingcwele; cana imfundiso ofundisa ngayo, tyebisa ngamakade ubona, ngokwenza kwako. Shumayela inyaniso ze Vangeli ngokwemikwa, nenyaniso zokwenza kwako zibonise nge Vangeli. III. Mxumise u Msindisi, 'mtobe umoni, uze uhlonele u Moya Oyingcwe- le. Yikumbule i Nkosi yako, funa uzuko Lwayo, ungafuni olwako, Buve ubuko buka Tixo, kumbula ukuba ungumsebenzi wezandla zake. nokuba ufunjatiswe inyaniso Yake. IV. Yiti xa utetayo wenze amanqaku amafutshane ungatyondyoti, utete ngokucacileyo. Yiti indawo oya kushumayela ngayo uhlale unayo engqondweni nase ntliziyweni yako, ungati xa ushumayelayo umane uqondele encwadini, teta ngezwi lako odalwe wanalo, ngokuzola ngesd'ima, nangegunya elinesitozela; ngapezu konke, yiba nenyameko enotando, nentsika-mbilini enofekefeke. V. Ungashumayeleli kucaza isibalo kodwa, jonga ekusindiseni imipefu- mlo. Intshumayelo yako mayiti dzu ibekise entliziyweni, nakwisazela utetise ngobuganga, uyale ngotando, uze ukutaze ngentliziyo yonke. Uvalo lopulapulayo lungakuwe. VI. Shumayela kwindidi zonke, kwabelizwe, kwabakonza ngezenzo negama; abanditayo, abaguqukileyo, nabakonza u Tixo, Xa sukuba ubuza imibuzo, yibuze ngokundilekileyo, uze unike iziyalo ezishushu, nezihlabayo, nezifezayo. Shumayela eziqwini zabantu, ungabacezi, ungasiki eboyeni njekodwa, ungagqwizili, bacane. VII. Shumayela nje ngopambi ko Tixo, nje ngoqaukayo, eshumayela kwaba kwanjalo. Wukuhlala ukumbula ukuba uyakuhlangana nabapulapuli bako ngomhla womgwebo. Umvuzo wako awukona emananini angakananina, kodwa uya kuvuzwa ngenani lomsebenzi wako. VIII. Tandaza kunene egumbini lako. Yiti ukuya kwako kushumayela ube kuxa uvela kutandaza, upume uye etyalikeni; uti emva kwentshumayelo, utandazele intsikelelo yalontshumayelo. IX. Umfundisi makancamele konke azibandezele; makwazi ukunyamezela ubunzima, nokuxamleka, nokucukucezwa. X. Shumayela ngemik'wa yako. Hamba kufupi naye u Tixo wako, mayiti inguquko yaboni ilale kufupi entliziyweni yako. Ixesha lifutshane, ubomi abunangqiniseko, unapakade ukufupi. Kristu. Pezu konke mabayisabe ibulanti engumtombo wayo yonk' inkohlakalo, nobubi obuya kuvela