IsiXhosa Intellectual Traditions (IsiXIT) Digital Archive

KUMHI.ELI WE-' SIGIDIMI SAMA-XOSA.'—Mhleli obekekileyo kaundi Vumele ke ndikubulisele ngu ntlanganiso eb'ilupu | Katala kulevuki sinayo—ndiyakolwa ukuba nakubalesi buko ndonyamezeleka kuba ndingemntu usakukalaza nganto. Kute ngomhla wa 25 May yahlangana yonke impi yase Katala kuba ingumhla omkulu wentlanganiso yomnyaka, e Ganqeni. (Kuba kambe libotwo layo elo). Zaqalu ukufika inqwelo kwa ngom-Gqibelo, kwada kwa yi-Cawa, andisateti kona ngom-Vulo, kuba umzi wazala zinqwelo kwati tu, yangumntu kwakupela. Yabonakala yonke imimango imhlopu busihla kuyo. Into eyaba sibonakulo esibalulekileyo yaba kuvela kosapo lwesikolo sase Read's Dale (kwa Ncaza) lufalile lutwele i Union Jack. Lwati lwakufika lwahlangatyuzwa yi teacher yalo u Mr. M. M. Vokwana, walumisa pambi kwe tyalike, lwaku lwavuma ingoma emnandi kunene awati akuyiyeka kwakubi kubo bonke. Yalila intsimbi, yangena intlanganiso, isihlalo sabanjwa ngu Mantyi wase Mpofu u Mr. Garcia; yozala indlu, kwa Mlungu, kwa Lawu, kwa Mfengu ndingatininayonke into ib'ilapa nje. Emva kokuba u Mr. Hatha elese ingxelo yonyaka ogqitileyo, lamanene alandelayo enza inteto ezimnandi kunene:—o Messrs. Jones, umfundisi wase Hackney; Scheepers, wase Cangci; Helm umfundisi wase Grahamstown ; George Green no Isaac Samuel, base Balfour; J. Read, omkulu kwa nomnci; namanye ke amanene ase Mpofu anje ngo Mr. Emett. Kwakumana kuvunywa emva kwenteto zamanene. Lwalila u hadi kwakubi lomhla, lupetwe yiledi endite ndakuluva ndacinga ukuti yakulela kulo kwasebuntwaneni. Lwalubetwa yinto, mbi ka Mr. Emett wase Mpofu encinane, eyayivuma neqela elininzi lolutsha. Kute emva kwe dinala zavulelwa kaloku zonke izikolo, (kuba kaloku zilapa zonke ititshala zalapa) eyase Wilsonton, Read's Dale, Upper Blinkwater, nosapo lwase Balfour, nolwase Tyume, kwa Sikunyana, nakwezinye indawo. Lwati usapo lwase Read's Dale lwenza into eyodwa, into ebete bati nabebe pandle beza bebaleka, yalibaleka nento ebisenziwa luhadi. Ati amanene ase Mpofu, ano Mr. Garcia no Mr. Emett, akabi nakuzinceda ukuti kumfundisi make amcele u Mr. Vokwana avume mabini amaculo kwakona, abate emva kwawo bavakala bebuza ukuba olusapo lufundiswa nguwe na oku kuvuma? Yahlala ubusuku bonke lontlanganiso ivuma, kwamnandi, seva sizilibele nondlala, nenxwaleko zalonyaka. Ndixoleleni manene akowetu ngokugqita kangaka epepeni lenu. Owenu umhlobo otobekileyo.