IsiXhosa Intellectual Traditions (IsiXIT) Digital Archive

January 21, 1885. Abafundi be 'Mvo' nabahlobo baba ntsundu abalapa kwesisixeko, bavuye kakulu bakuba bevile, kwiveki ezidlulileyo ngempumelelo yaba ntsundu ababenayo kwinkundla yase Dikeni ngokuma- yelana nokungeniswa kwamagama abanyuli, bada bavuya ngakumbi kona bakuva ukuba kwesase Qonce isiqingata inkita eninzi kunene ekwi 217 ngeveki edluleyo ifumaneke inalo ilungele yokuba ngaba voti bokunyula amalungu e- Palamente. Ewe Imvo ite gqwidi kuhle, ngeliya ite wonke opantsi Kolaulo lwe Nkosazana unemfanelo yokuba angene encwadini yabanyuli, etike i-Evening Express yase Kapa yaseyiba nenxeba lokungena, ku¬ba noko asipepa linamoya umhle kwaba ntsundu. Ilungelo lobunyuli asililo eliyimfanelo kubani wonke, koko lilungelo elifunyanwa ngonantsi, kantike kwelili- zwe apa e-Koloni, linako ukufikelelwa nangubani kungakataleki nokuba ngoba- la linjanina—kanti ke akunjalo kuwo onke amazwe apantsi kolaulo Iwabamhlope. Abantsundu abase Dikeni nase Qonce ngoku banako ukuteta kuviwe kweza zi- ndlu zipete Ulaulo, oko kukuti kobanjalo ' ukuba baya kuhlala beyikumbula indawo yokuba 'amandla kukuba yimbumba.'— Ngebekangela ukuba koti ngeminyaka ezayo bamelwe ngamadoda afanelekileyo ebala labo ; ke bati kodwa okwangoku bakangele ukuba bamelwe ngamadoda afanelekileyo, afanelekileyo namadoda anezwi elilelawo angalandeli ngakubona buninzi bacala anjengo Mr. lunes omncinane olilungu elimele i-Dike ngoku, umfo osihombo kanye kwindlu esezantsi osisa saba ntsundu abamtumele kona apo e-Palamente. Ukuba ngamanxila kwaba ntsundu belo cala lenu kubonakala kutatelwe pezulu kanye ngamapepa, kwayeke kufanele. Kwincwadi zamanene ase Dikeni kuvakala ingxelo ezimbi kunene, mayelana no- kwanda kwolubo kulomzana, sekude kwako nokungati, njengokuba kwesika Kama ukutshatyalaliswa kwe nkanti kungati ku¬be luncedo nje, sekusiti kuso sonke esosiqingata sase Dikeni ke kulingwe eloqinga. Lendawo ibe njalo ingaba linyatelo lobom kanye, ebebefanele ukutike ngoko abazintloko kwaba ntsundu benze isicelo solo- hlobo, kuba mabaqiniseke asinto u-Rulu-mente angake angayikangeli londawo. Ngokwenyaniso lixesha ngoku ukuba ziti zonke Inkantini ezipakati kwaba ntsundu zivalwe.—Zibangela ukuba zizale intolo- ngo zetu, zitshabalalise abantu umzimba ndawonye nompefumlo, zitintele nentlumo yezwe letu—konke oku kusenzeka ukuba abatengisi bendywala batyebe ngapandle kokuba babe nomsebenzi abawenzayo. U-Mr. Saul Solomon ogama lazeka kangaka kwabo abangabafundileyo ba¬ba ntsundu, okungabiko kwake kuvakala kakubi kangaka kuma Qumru aselulau- Iweni lwelilizwe, usand' ukubalela inewa¬di komnye wemizalwana yake apa; kuti¬wa loncwadi yake ivuyisa itembisa kanye okokuba kunokutembeka kanye ukuba wobuyela empilweni. Ulindelweke uku¬ba wobuya kwakwisituba senyanga ezimbalwa. U-Sir John Molteno, omnye umhlobo waba ntsundu, uyemnka uya e- Ingilane kwangayo leveki izayo. U-Mr. Dick oyi mantyi yase Qonce ulindelwe ukubuya e-Ingilane ngenyanga ezayo.