IsiXhosa Intellectual Traditions (IsiXIT) Digital Archive

UMHLABA KA MATANZIMA Khawundinyamezele nkosi yam, nditelele kumbhaleli ote ungu Mtembu kwinteto entloko ingu Matanzima. Ndiyibulela kakulu inteto entle, necacileyo, ityila ka¬nye isimvo zabemi belilizwe, abangu Tembu, malungana nezigqibo ezenziwe ngokubulelekayo, ngumpatiswa-micimbi yabantsundu. Andisakuba sangena ndicaze ngomhlaba isimo sawo pambi kwemfazwe kuba uzifezile yena, sendakungena kwindawo ete i-Editor ye Mvo, zezivele zazizonakalo emveni kwenguqu- lo entsha eyenziwe ngu Mr. De Wet, ezi zezi:— 1. Ubusela. 2. Ukungavunyelwa no- kuhiliziswa kwabalandi mikondo. Ubu¬sela akuko bunyaniso ukuba bebungeko xa i-Nququ no Mtingwevu bezipetw' e-Cala, nakubeni ndingasokubala impahla ebifunyanwa ibubusela bezondawo, ewe kutshanje kekwabelwa umfo abati ngu Fulepu, okwenene umkondo wasinga ulandwa e-Nququ; ete wakufika kona asavuma isibonda sakona ukuwugqitisa, kuba sasifuna ukuba siqeliswe, emveni koko sisiwe ngapambili, sahlala ngomteto; azike sesokuqalana isibonda esenza into enjeugeso sase Nququ. Kanti kuti- wanina ngesakwa Lubisi, oko u-Lubisi ebesapetwe e-Cala, mhla senza into ekwanjengale, yenziwa seso sase Nququ, ngomkondo wehashi lika Platyi; kungokuba u-Lubisi waye sapetwe e-Cala lento kwakungekuhilizisa mkondo oko? Kanjalo tina site nokoke sagungqelwa ngamapapu xa sibesifunda inteto yako Mr. Editor, abuy' azola ngokututuzelwa lilizwi lokuba into le uyiv' e-Cala, saye sinokuqonda mhlope ukuba u-Cala yena akanakuzibulela izigqibo zika Mr. De Wet. Sikucela ngentobeko enkulu ukuba usincede uyiguqulele esi Ngesini inteto ka Mtembu ngo Matanzima, njengokuba leyo wayifumana ku Cala ibingazo zombini inteto.