IsiXhosa Intellectual Traditions (IsiXIT) Digital Archive

EZINKOSANA zimbini za Besutu u-Joel no Jonathan ekukade zipatelene intonga, ngalo Jonke elixesha zite cwaka kanye zihlalelenengobuhlobo ngoku. AMA Lawu amabini e-Cumakala abebanjwe ngokuranelwa ukuba abe igusha zomlungu, anikwe yimantyi yakona unyaka entolongweni. Ubungqina buveliswe kwalelinye lawo elite guqu pakati kokuba belikamyele lavuma. NGASE Bayi indoda emhlope izibulele ngokwayo, isizatu ukutelekelelwa ukuba mayibe yintliziyo ebuhlungu ibangelwake zindawo ezimbini, eyokubujelwa ngunina, neyokwaliwa yintombi ebeyifilisha. INDABA zamvanje ezivela Pesheya zibika ukuti ukuwa kwa Khartoum nokufa kuka General Gordon kwabangelwa lisheyi elenziwa zinkosana zama Yeputa ne Mahdi—lokuba zoyivulela ingene kuwo amasango awo lomzi, zenjenjaloke okunene. ITI enye into ekwelo la Bahlambeli kwi- ncwadi esiyifumana kwelase Monti, ' Ukuba i-Palamente ese Kapa ayizilungisi izinto sobiza tina u-Rulumente wama Jelimeni. Xa ngabake senjenjalo Yeha kwi Ngilane! Yoda inge ngekungeko nto yaka yayiva ngo Montsiwa.' AMA Russia sitetanje apambene nama Nge¬si ngokusuka ama Russia agqitele emhlabe ni wama Ngesi e-Afghanistan. Limehlo kanye ngoko. KUKO ukungevani okutile pakati kwama Jelimeni nama Ngesi nge Bayana elilunge kwa Zulu ekutiwa yi St. Lucia Bay. Ama Jelimeni afuna ukulenza ikoloni yawo. E-GCUWA lisanconyw' ukubalela, kwaye kusitiwa nomanz' abomvu uyatyikitya. E-DIKENI utitshala wentsapo zama Ngesi u-Mr. Edwards wenzakaliswe yibola kanobom, imncotule izinyo yalapula elinye yawurazula umlomo ngapantsi kwafuneka eyewatungwa ligqira. NGASE Dikeni kwindawo abati yi Fort Hare kutiwa iselingene ingqakaqa U-RULUMENTE wa Pesheya ute ukuyixela e-Palamente indawo yemikosi yama Zulu epantsi komnye wama Shepstone ebifuna ukuya kuncedisa kulamfazwe ise Yeputa akanakuyipendula okwangoku londawo ade ake aqonde ukuquba kwezinto e-South Africa. NGASE Bayi kupantse ukuhla ingozi embi kunene, kute kanti imenemene elingaziwayo azijika intsimbi acancata kuzo endaweni yazo, wasukake uloliwe wapambuka—nokoke akuhlanga ngozi ngokuti ahle eme. IFAMA elitile ngase Tinara kutiwa laliye kulalela imbabala ebeliyazi ngamhl' utile, koko lisuke ladubula u-Mxosa, ngokusuka libe uyimfene, kuba belisand' ukubona amatupa ayo. IJAJI yohlala e-Dodoloro ngolwesi-Hlanu 20 ku March, iz' e-Alvani ihlale ngo Mvulo 23 IMVULA enobom ine apa e-Qonce ngo Mgqibelo ubusuku bonke nange Cawa. U DR W. DARLEY HARTLEY umiselwe ukuba aye kuba ligqira lesitili ease Katikati kwa Daliwe. AMADODANA antsundu ase India akwizikolo ezikulu e- Ngilane ayavakala kanye ngenqubo yawo bo yawo. EZOCINGO ezipuma Pesheya zixela ukuba u-Rulumente ucinga ngokwandisa umkosi omiyo wama Ngesi. I-ITALY ibe inentlanganiso egqibe kuyo ekubeni ize xa i-Ngilane icela nncedo bayenzele ngapandle kwenteta eninzi. INKOLISO yempahla emfutshane, ngokukodwa igusha, ibiseyi bitye kangaka e- Bofolo ngangokokokuba zisuke zati kakalala okona inileyo ngokusindwa buboya bazo obumanzi nazizisu ekumhla zihlutayo. UMFUNDISI wase Ngqushwa wetyalike ya- se Tshatshi u-Rev. 0. M. Ellingham ngo Mgqibelo opambi kwalo udluleyo ubesematyaleni ngokubeta ipolisa elimhlope. INKABI yo Mxosa e-Somerset ite bakubon' ukuba basatengisa into zabo emarkeni—suka xwi idiliya engobozini yo Mtshayina eloko ukuqinisa. Udeke wasukelwa wabanjwa, yati inkewu yakusiwa ematyaleni ayateta ayenzani kwakutiwani—abanye bati limene- mene lidala, akasidenge uyazenzisa—wasi- ndake noko umtakati. UMGQIBELO walecawa yimini amakaba antsundu ase Africa aya kuqondisana ngawo ngebola namabandla ase Yulopu—njengoku¬ba iya kuqubisana nje apa, siva ukuba elase Bayi liyakuqubisana nale yakupa indawana zonke ngexa leholide zonyaka. INTAMBO ngoku u-Mr. Wolf ekululekilenje uyipose kummangaleli wake n-Schlyer, ngokuti ufunge ubungqina obubuxoki pambi kwamatyala AMAFANDESI empahla e-Cumakala kwakona ayakuba ngolwesi-Ne 19 March. E-TINARA pambi kwe mantyi bekuko ityala lamadoda amabini abete umfazana otile wada wapants' ukufa, bembetela ukuba alahle impundulu anukwe lixegokazi legqirakazi ukuba engamunyinje umntwana ubangwa yiyo—umntwana lowo uqaukele pambi kwa- matyala yindlala. INQUBO nendlela yokuma kwezinto kwela Bahlambeli ibonisa ukuba ngati indaba yalomhlaba iya kugqitywa ngapandle kokude kupatelwane intonga. IPEPA lase Dikeni likanyeza udaba lokuba ingqakaqa iko kwiposi ebisakuba yeyamajoni engaponoshono kwe Tyume. Indawo ekuyo li Regu kwesika Kama. Abantu abafayo babekwe nxamnye, kumiswe igqira u- Dr. Clarke kwaKama ekaya. KWA elipepa libika ukuba ingqakaqa ingene emantlane Tyume. U- GENERAL WARREN ufikile e- Rooi Grond, emdeni we Transvaal na Barolong apo afumene kuseko abantu abatile abati bayakumtobela kuyo yonke into ayitetayo. KUKO umntu osand' ukubuyela e-Dayimani nengqakaqa, apo ati usuka kona kuse Burghersdorp. USUKU Iwe 19 kuyo lenyanga iyakuba lusuku Iwe holide koma Burghersdorp ngenxa yokuba iyakuba ngumhla wokuvulwa kuka loliwe. INKOLISO yamafama kwelipezulu iyazitengisa ifama zayo iyakufuna amadlelo kwindawo ezizimbi. KUSAND' ukubuya kuvakale ukuba kanjako ingqakaqa iyatwabulula a-Alvani. KUVAKALA amare okungati umzukulu we Nkosazana u-Prince Albert-Victor uza kuzeka intombi yenkosi yase Belgium. UKWEKWE ezigusheni lungene kanye kwinxalenye yemilambo ya Pesheya e Ngilane, apo lunconywa kanye kona kuse Kent. EMARKENI yase Maritzburg ngo 6 March uboya obuyigrisi babufumana 71\2 ne 8 3\4 ngeponti. IMVULA ezine kwelipezulu kufupinje kuti wa azikazanga zabako ezinkulu ngangazo kuleminyaka mine idluleyo. IBULU elingu Rensburg lisand' ukubanjwa ngokuba amahashe amatandatu. INGQAKAQA e-Burghersdorp iyancipa. Kwisituba seveki ezimbini kuhliwe abantu abatatu kupela. Inani elibelikumnquba abongelwa kuwo abafayo lihle kumashumi amahlanu leza kumashumi amabini anantandatu. U-HON. J. W. SAUER, M.L.A.. ulindelwe ukubuya e-Ngilane ngezimini. Kuvakala ukuba uyakuke abenentlanganiso nabanyuli base Alvani ngemicimbi yolaulo pambi kokuba i-Palamente ihlangane. UMPATI mikosi u-General Warren uselese I Mafikeng kwa Montsiwa njengokuba sati Iundulukile e-Freyiberera (Vryburg). Ama- I bulu azishiyile indawo awabe zibile. ULURE lokuba u-Sir C. Warren uyakude aye kumisa ulaulo lwama Ngesi e Transvaal nase Free State lukanyeziwe ngu Sir Hercules Robinson, i-Ruluneli. IMOFU seyingene kwesi sitili, sebeyikankanya emtonjeni nase Mpongo. LANDAWO e-Bayi saka sati kuncwatywe kuyo into eziluhlaza, kusenziwa amava okuba izinto ezinjalo zinokugcinakalana eziseleni ukuze zibe nokudliwa zinkomo ebusika, kutiwa iyakuvulwa ngomhla wa 25 kulenya- nga ngentsimbi yeshumi linmye. IPEPA elihlelwa ngum-Ayirishi ongu O'Dononan Rossa, e America, litembisa umvuzo we £10,000 koya kunikela umzimba wonyana omkulu we Nkosazana nokuba upilile na nokuba ufile. KWINANI eliyakubako ekuvulweni kuka loliwe e-Burghersdorp ngolwesi-Ne oluzayo kuyakubako no Hon. F. Schermbrucker umpatiswa wakwa Rulumente. IXABISO lokwazisa into elahlekileyo libonakala kwakona ekubeni u-Mr. William F. Bassi, wase Hebehebe, elifumene ihashe abecela amehlo amawabo ngalo kwo Mvo Zabantsundu. KWELA Barolong kutiwa kuko umkosi namadoda antsundu anxibe ngokwa majoni kanye. Inani ngamakulu omane.