IsiXhosa Intellectual Traditions (IsiXIT) Digital Archive

Pesheya ekuqaleni kwenyanga edluleyo kutshate u-Rev. S. E. Gladstone, unyana opakati ka Mr. Gladstone, ipakati elikulu le Nkosazana, nentombi ka Dr. Wilson, wase Liverpool. Kutiwa akunganganto amabaso awapiweyo ngomhla womtshato wake. Utunyelwe imali yamapepa ye £100 (cheque) litshawe ekutiwa yi Duke of Westminster, wapiwa ikari emilenze mine ngu Dr. Clarke kunye namahashe ayo. Lento iyindleko yomtshato inkulu kangaka pakati kwetu bantsundu ngangokuba amabaso angaluncedo olukulu —njenge ndebe yamanzi abandayo ezweni elomileyo—kubantu abasazeke betshatiswa. Into esiyibonayo tina emitshatweni yakowetu kukuqongqotwa nemvutulukana angaba ubesenayo otshatayo ngabantu abeze kumcela. Elisiko lama Ngesi lekumnika amabaso ngomtshato beli-fanele ukutatyatwa siti bantsundu ukuba silumnkile. Komnye umhlati singenisa amagama amanene amhlope nantsundu anyulwe kwizitili ngezitili ukuba aye kwintlanganiso enkulu youyaka yama Wesile eyakuqala e-Natal ngo 14 ku April lo uzayo. Elixa kunqweneleka ngenx' enezizatu ezininzi ukuba bona abamnyama, ngakumbi amanene angebafundisi, abeko onke. Siqonda ukuba u-Mr. E. Mhlambiso otunyelwa ngumandla wase Rini kuyatandabuzeka ukuba uyakuba nokuya ngenxa enobufutshane ngakwicala leqosha. Xa sikumbula ukuba usand' ukwaka enye yezindlu ezinkulu zezitena, elungiselela kwakona ukuzitabatela ' undofa naye' wake, akummangaliso ukuba axakeko ngoluhlobo. Ukuba i-Ramente ezintsundu ezimele umandla wase Rini beziwuqiqa umsebenzi wazo beziya kurola inkozwana zokumxuma ukuba aze abe nokuya kufika ezintlanganisweni apo. Azi ukuba ziyakuba nokuyiqondana lento. Kakade iyakuqondwa ngabafundisi nangamadoda apambili kuqala. Ngomnye umhla saka sabalisela abafundi balomqolo ngohlobo eyenjenjalo ukukumshela elilizwi ' to water ' imambane etile eyacinga ukuba baposisile abaguquli ukuti kuku 'nyela' kulandawo itetango Paulosi no Apolosi. Ukwaneza into ezizezolohlobo omnye umhlobo usibalisela ngetitshala eyaka yase Ngqushwa await eshumayela umfundisi omhlope akuti ' When they buy and sell,' yati yona ukukumshela oko, ' Xa babese Bayi besela I ' Lenteto yamaua ukupinda-pindwa kulo-ntshumayelo, kodwa umhlobo wetu ongu titshala wajoka ekutini ' xa babese Bayibesela.' Ababesiqonda Isingesi bamkumbuze sekupandle ukuba ukukumsha kwake kucubule into eninzi. Kufanele. Kuba inguqulelo elungileyo yalenteto kukuti ' xa batengayo batengisayo.' Lomhlobo wenza oku useko: simncoma kuba wati emva koku wazimisela ukuya kwakona eskolweni. Omnye wama Gosa e-Mvo Zabantsundu uyaleza lamazwi kuti xa atumela imali yabatile abagoseleyo—' Ke kwaba banyangantatu abanye abakabi namali. Noko abo ixesha labo lipelileyo nelipelayo uze uwasike amagama abo, kuba you see asinakunceda ukuba situmele Imvo Zabantsundu ngapandle kwemali, kuba Imvo Zabantsundu yinto ehamba ngemali. Kungokoke nditshoyo ukuti uboti kwabangahlaulanga, liti lakupela ixesha labo zime Imvo zabantsundu. Please, mhlobo wam, uzuyiveke eyona nto nditeta yona. Nqumamisa ezingahlaulelwanga 'in advance.' Mayibe inkuluke lo 'advice.' Siyalibulela mzalwana icebo lako, lite kuba besesiwasikile amagama angahlaulanga lasinika inkutazo. Somana ukulikumbula icebo lako. Akwaba amanye Amagosa ebentlizivo 'nye nawe! Okubaliswa kulencwadi siyihlomelayo kumdaka kangaka ngangokuba umntu apantse ukutandabuza ukuba kuyinyaniso. Umbaleli wetu akamntu ufumana apafuke ukuteta sinenkoloke ukuba oku akubalileyo akuntsomi. UtiMhleli we Mvo Zabantsundu,—Ndincede ufake epepeni lako lendaba lamazwana ambalwa, ndifuna ukushumayeza umhlambi into engutntnan yaliso endiyibone apa e Somerset ngosuku Iweshumi linesixenxe kuyo lenyanga Imiyo 17th Feb.) ngolwesiBini evekini. Kute ngeveki engapambili kwalahleka amahashe ka Mr. Thomas Kuboni amabini iduna nemazi, abonwa ngonyameko olukulu kunene, akafunyanwa, kuqaIwe ngolwesi-Hlanu kwada kwaba y'i Cawa efunwa. Afunyanwa ngo Mvulo kusasa nga-bafuni benkabi. Kanti amahashe asezandleni zesi 'Gebenga' Kwafikwa eliyimazi litiwe kata pakati kwembaxa zomsenge ngentungo yomlenze wokohlo, walihlinza exweleni ngoku kwento yonke ehlinzwayo xa sukuba ifile, wayinqamla intungo yabambelela ngesikumba ehasheni yaza, intungo yatiwa xa ezibaxeni zomti ukwenzela ukuze lingabinako ukuwukupa umlenze emtini. Unjalo nje lomti umi pezu kodonga lomlambo. Site sakugqiba ukukwenza oku isigebenga salishiya lilengalenga kolodonga ihashe lihleli lingafile. Lite ngokwenza imigudu yokuzikupa ihashe kwesi sitokisi lazapula itanga bafika abancedi selingasento. Abate belitoba apolalipuma umpefumlo,ukupumla ezi. ntlungwini, Lento yenzeke e-Glen Avon e- Somerset East. Mna ndiye kuyikangela ngoIwesi-Bini, kwabonakala ukuba yenzeke izolo. Amafama Akwa Qoboqobo. Lencwadi yependula mayelana nesikalazo ebesenziwe ku Rulumeni ngo Notenga abantsundu bakwa Qoboqobo ngomcimbi wedlelo. Umgcini-mahlati kubonakala ukuba ute xa acanda umhlaba wamahlati watabata isiziba esikulu sendawo ebisakunceda abemi base zintabeni ngedlelo. Lentshayelelo siyenzela lencwadi siyitunyelwe ngonotenga ukuba sibakumshele, esiyilandelisa yoke: Lencwadi yependula mayelana nesikalazo ebesenziwe ku Rulumeni ngo Notenga abantsundu bakwa Qoboqobo ngomcimbi wedlelo. Umgcini-mahlati kubonakala ukuba ute xa acanda umhlaba wamahlati watabata isiziba esikulu sendawo ebisakunceda abemi base zintabeni ngedlelo. Lentshayelelo siyenzela lencwadi siyitunyelwe ngonotenga ukuba sibakumshele, esiyilandelisa yoke: IMIDA ELIYE LEMA NGAYO IDLELO LASE NQOLO-NQOLO. Kwi Ofisi Yenkulu Yonocanda. E-Kapa, January 24, 1885. KU A. H. DUNCAN, ESQ., UMCANDI. NKOSI,—Ngokusingisele encwadini yako yolwe 3 kulenyanga ifileyo, oyibale egameni lamadoda anemihlaba emele i-Nqolo-nqolo no Mgqukwane kwane Ndlovu, usiti okokuba imida yokupela kowamahlati esand' ukwenziwa, iya kukangelelwa okokuba ibe kwayimida yedlelo abalicandelwayo ngoku, lonto iyakulincipisa idlelo kwindawo elaliye lema ngazo -ekwalatweni kwalo ngu Baron de Fin, waye usiti nangapezu koko lonto iya kulidlela idlelo owona mhlaba ubungamandla kulo. Ndikucelake okokuba uti ko Notenga—Umgcini mahlati esibekiswe kuye isikalazo sabo wenze I ngxelo yokuba 'imida abasingisela kuyo yamahlati inqandele ngapakati kupela umhlaba ebekungena kwenziwa ngakumbi kuwo, obufuneka nangayipina indlela ungenisiwe, ukulungiselela ukugcinwa nokulondolozwa kwamahlati lawo, nangokulungiselela ukuba ezondawo nazo zibuye zibe ngamahlati, kubonakalake mna ndingena kwenza mida iyiyimbi engeyiyo leyo abamisele yona. Ngokumayelana nendawo eniti uhlobo omiswe ngalo ngoku lomda wamahlati lubangele ukuba ziti inkomo zeminye imizi zingabi nandlela yokupumela ngapandle edlelweni, u-Mr. Hutchins uti ' londawo kupela injalo kumganyana omncinane womda, kwindawo apo wayamana kona nemida yemihlaba ecandiweyo yonotenga, ekungatike ukulungiswa kwalondawo kushenxiswe lamatye ma'bini u-No. 21 no 22 anyuselwe entla;'— ndimceleke ukuba ati ukuba kunokwenzeka lomatye awashcnxise njalo, ekungati mhlaumbi xa kwenjiwenjalo, lengxakeko nikala ngayo ibe ishenxisiwe. Ngelika Rulumente icala akuko mnqweno wokubapanga nendawana encinane edlelweni abebadingele abantu, kodwake ukwenzelelela ilungelo lenu nina abango Notenga, kwanelungelo loluntu lonke lupela kuyimfuneko Kanye ukuba lomcimbi wokugcinwa kwamahlati ungake ulinge upazanyiswe nakancinane, kuba kungobuko bawo kanye lamahlati ete imitombo apo yema kona imilambo yetu yaba yahlala isela ingazanga itshe. Eniyakuti kengoko nincede ngokuti imihlaba esukuba igcinelwe amahlati—ukuba ityalwe yenziwe amahlati, ningayibandakanyi edlelweni. Lamagcume mabini akwezonyoba. Zise mazantsi o Mgqukwane, ayakumiselwa ibakana ngumgcini mahlati, kwanawoke angapandle kwedlelo. Ndinitumelake nomfanekiso womhlaba lowo ukuze nibe nokuzikangelela ngokwenu ukuma kwemida. Ndinewonga lokuba Nkosi Ndingosicaka sako esitobekileyo, (Signed) S. MELVILE. Osendaweni Yenkulu Yonocanda.