IsiXhosa Intellectual Traditions (IsiXIT) Digital Archive

Ukungeniswa ebufundisini kuka Mr. Walter Rubusana, ngolwesi-Tatu, 25 March, kuhlanganise into eninzi yabantu kumzi wase Ncemera oyi Peelton ngokukumsha. Site nati ngokubuqiqa ubukulu bomsebenzi satumela ngololiwe wakusasa oyakuba ngamehlo etu. Kwale ukuba isukele intsimbi yeshumi linanye yakusasa yangena intlanganiso ebukulu bungalinganiswa ngalondlukazi yetyalike yase Ncemera—enye yezindlu ezintle Kunene zabantu abantsundu zokunqulela Opezu- Konke. esingati yiyo, yeyabamnyama base Wesile e-Bayi, ikwayeyase Wesile yabamnyama e-Cradock (ngokuva)—ezotyalike zontatu zisatwele indwe ngobuhle nobukulu apa e-South Africa pakati kwetu. Singene pakati kwendlu yokutandaza sifumene sekuko abafundisi abatatu; ingwevu, isicaka se Nkosi, ebesikade sisiwa sivuka nembedlenge zakwa Xosa u-Rev. Richard Birt, wase Ncemera apo, no Rev. John Harper, wakwa Buluneli e-Qonce apa, no Rev. F. Wynn, owebandla eliti leli Pehlelelayo kwalapa e-Qonce. Amanenekazi amhlope aquke umfundisikazi namanenekazi afundisa kweso sikola sentombi sike simane ukuva ngaso kwano Mrs. Rubusana ebeseletabate eyawo indawo kwigumbi lesokunene somfundisi. Kufupi nawo ibe zintombi zesikolo ezizibalule ngokufaneleka kwengubo—ebezingaqele zeli nganto zingenabukazikazi banto kanjako—kwanempato ezolileyo yazo. Omnye unahlati wendlu ubuzele ngamakwenkwe esikolo onganyelwe ngu Mr. Attwell H. Maci umfundisi wawo. Umbindi wendlu utatyatwe ngabantu besikolo eso sase Ncemera, amadoda kwelicala abafazi kweliya, kwanabendawo ezingapandle ezidliswa entweni zelizwi kwangaba balungiseleli base Ncemera apo. Umfundisi u-Baliti uyivule intlanganiso ngeculo leshumi linesitoba, nangoku lesa isiqendu se vi, I. Timoti. Ute akukov' ukwenjenjalo wacela oyena Mdala mdala welo Bandla u-Bombo ukuba atandaze. Lengwevu yelizwi itsho ngomtandazo omfutshane onzulu noteta into ezinkulu. Kubuye kwavunvwa kwiculo le 123. Wandula u-Rev. Mr. Birt ukucaza, ekunyushelwa ngu Mr. John Yekele, umcimbi ekuhlanganisenwe ngawo, ate ngowokungeniswa ebufundisini komnye wabo. Bekulindelwe ukuba kobako abanye abafundisi ababezakuquba amabakalangamabakala omsebenzi walemini. Yenake seleya kubeka imibuzo kumhlobo wabo ukuzeyonke intlanganiso izive indawo ezizintloko ezibangele ukuba babe nokukolwa ukuba lomhlobo wabo ubizelwe okunene ebufundisini. Okwezabo iziqu abasayinonelele kakulu nalonto, kuba sebemvile eshumayela amaxesha amaninzi, nesimilo sake bayasazi. Kuko nobungqina besimilo sake obuvela ko Titshala bake e-Dikeni. U-Mr. Birt ulese imvo zo Mr. Smith no Rev. Mr. Moir no Mr. Geddes ezitunyelwe ngu Rev. Dr. Stewart neliti uyavumelana nako konke asebekutetile abanye ngesimilo sika Mr. Rubusana. Uqube u-Mr. Birt wati, bate bakucinga bafumana ukuba kuyakulunga ebekwe izandla pantsi kwegunya le Union (intlanganiso yabafundisi yebandla lase Independent) ete yona vanvula ukuba aviwe ngo Rev. T. Durant Philip, B. A., nabanye abafundisi abate basebekoliswa yingxelo yotitshala base Dikeni. Wenjenjalo u-Mr. Birt wamana ukumfaka imibuzo emi pambi kwayo yonke intlanganiso. Oku kufeziwe u-Rev F. Wynn uhambise umtandazo, etolikelwa ngu Mr. Peter Tyamzashe, osulungekileyo wokubekwa kwezandla ; umsebenzi owenziwa ngo Revs. Birt, Harper no Wynn ngokwake. Ulandelise iculo le 145 u-Mr. Birt. Ligqityiwe uhambise isiyalo kumfundisi omtsha u-Rev. John Harper asicapule kweyokuqala incwadana ku Timoti, isiqendu sesine, ivesi yesitandatu, kulamazwi 'Umlungiseleli omhle ka Yesu Krestu.' Ungene nzulu ekutyileni ukuba zintonina ezilindelwe ngu Krestu nabantu kumlugiseleli. Isiyalo eso ibe sesinandipeka kunene. Ulandele u-Mr. Wynn ngenteto edla ngokubekiswa ebandleni ebe yeyobuciko obukulu. Umfanise umfundisi nencwadi yokuzikangela, ate endlwini emnyama ayinakunika kukanya. Ukukanyake umfundisi ukufumana ku Kristu. Kantike njengokuba incwadi yokuzikangela ingena kunika kukanya endlwini ehlala ite mome lutuli nengcolileyo umfundisi ukwunjalo pakati kwe Ramente engavaniyo naye. Wati ke ukukazimla komfundisi kupuinle pezu kweramente. Kulandele u-Mr. Harper kwangesiyalo eramenteni ngemfanelo zayo ngakumlundisi. Etandazile u-Metame omnye waba Data, kwavunvwa, ipele ngentsimbi ezimbini enye yentlanganiso ezindileke kunene. Yangamana ingamnkelwa yi Nkosi inkonzo ka Rev. W. Rubusana. NATIVE OPINION