IsiXhosa Intellectual Traditions (IsiXIT) Digital Archive

IMBIZO E-CACADU. Lady Frere, 21 March 1885. MNUMZETU.—Kaundifakele oludatyana kwelopepa lamanene. Ngaloinhla unganngapezulu mayelana no 10 o'clock emini, wati utile kuko imbizo e-Lady Frere, salahla imisebenzi sasukela, esite sakufika kona saya ngase ofisini, seva ukuba imantyi ayenzanga mbizo, zizibonda ezihlanganisene ngokuya kucela amagunya kwizinto ezintatu. I. Okokuba xa bekusapete u-Zulu u-(Mr. Driver) izindlu zabantu abafudukayo beziba zezezibonda, ze zenze intando yazo ngazo, eloti elonxowa ukubakuko olicelayo alipiwe sisibondo ize izindlu ezo azitenge kuso, ibe yinzuzo yesibonda leyo. II. Okokuba ku Zulu (Mr. Driver) ematyaleni anjengawamakazi besiti isibonda sakuligqiba ukuliva silise emantyini, liti lakugwetywa yimantyi, sipume nenkomo isibonda kwelotyala. III. Okokuba kutenina imantyi ukuba zikupe abantu abengezibonda ukutimbela irafu; ze iziboncla zilahlekwe zisheleni ezintatu ebezakuzifumana ? Lamaneneke afuna ukuqonda ezindawo kuba ebexolele ukwamnkela i 10s. ngenxa yokufumana lamacam namhlake ayoyika ukuwacukumisa kuba engenagunya la mantyi. Pambi kokuba ndivelise uluvo lwabe mi abangu Tembu mandike ndivakalise abeze bekufumbete besiti kuyimpendulo yemantyi. I. ' Mazeke nibaxelele abantu abafudukayo ukuba mabangaziciti izindlu mabaziyeke zibe segunyeni lenu kwanjengoko bekunjalo.' II. ' Aninakufumana sizi ematyaleni akuko inteto walonto kwanjengokuba nam ndingamele kufumananto; lenjenjalo elotshawe.' III. Irafu ngumsebenzi ka Mr. Ilagani amele ukuwuquba ngomteto wona nangokubona kwake ; yenjenjaloke imantyi. Tinake Tembu uluvo lolu, izibonda kulungile ukuba ziti xa zikalaza imali zikalaze yona yodwa, zingatsho ukuti ayizixolisi xa zinganikwa lamalungelo okuzuza izindlu ezakiwe ngendleko ngabaninizo, ze bona bangazuzinto, zibe lifa lezibonda; asiboni ukuba ingaba bubulungisa ukuba izibonda no mantyi zipange abantu xa bafudukayo. Tinake apa e-Batenjini sakuma pambi kwe jaji ngalento, kanjalo sakuzimangalela ezozibonda Kwakulo mantyi ziti uzivumele, ukubake zingabamnkeli be maze zixelelane, tina asifuni kuziqubula. kuba asimagwala. Indawo zezizi asikuzingona yeyazo nemantyi. Singati kancinane ngerafu le zingxamele ukuyitabata, ngati umse-benzi wobubonda ebengenqweneli ngapezulu nangopezulu xa sikangeleyo tina. Kanjalo besiba ababantu bazibouda bamiselwe ukubondela izizwe zakowabo bazibonise bazalatise ngengozi baziqubele ekululameleni imiteto ka Rulumeni. Namhla zingxamele elinyatelonje uzakuvuswa ngubanina umzi wakowetu, kuba zona zizakufuna ukuze zizuze le ziyililelayo. Maze Imvo ipape ngupezulu. Mandipele undixolele ndiyeke ndingakolwa.