IsiXhosa Intellectual Traditions (IsiXIT) Digital Archive

KAMBE mawetu inyanga ezintatu ebenihlaulele zona zipelile. Mayifike ngoku imali. Inqwelo ayinakuhamba kakuhle ngapandle kwetela, nepepa ngokunjalo alinakuhanjiswa ngapandle kwemali. Makungabiko magogotyake. Kaulezani! INGOZI embi yehle elwandle ngasentla kwe- cweba le Gqili. Umkombe obizwa ukabayi Juno wase Norway, utshele elwandle pakati. Abantu abamashumi mabini ababekuwo bakwela esikitshaneni benentwana ancinane yokudla namanzi. Emva kokuba pantsi kobunzima intsuka ezilitoba balubona unxweme nigama, ngezantsi kwecweba bazamela ukusinga kulo. Saqubisana nama-tye isikitshane sapuka kwantyilikiseleka abantu abalishumi linesibozo, kumashumi amabini. Isine esasindayo safika kwi Bayi lase Port Nolloth sesibeteke kunene yindlala. KUMAZIBUKO onke olwandle kumenywa amavalanti okulwa elwandle. Kwenzelwa ukuba ize kuti xa imikombe yemfazwe yama Russia ifika kulamazibuko etu kubeko amadoda anokuyilwa. NGOLWESI-NE olungapaya koludluleyo bekuko umboniso wempahla nezilimo e-Nyara. INTLANGANISO zama Ngesi ase Natal zicinga indawo yokuba makucelwe ulaulo olunjengolu sinalo lokuba abantu base Natal bazipate ngokwabo. U-MR. WILLIAM HAY unduluke e.Bayi ngomkombe oyi Garth Castle ngo 25 April. Ngamana wandlela ntle. UMNTU onengqakaqa ufunyenwe kwifama ekutiwa yi Grootvley kufupi ne Steynsburg ngasema Cradock. IMALI ayibutileyo u-Rulumeni ngololiwe ngenyanga engu March i-£90,565 Ngale- nyanga ngonyaka odlaleyo yafika kwi £78,088. UMFO ontsundu ugwetyelwe ukuba axonywe yijaji kutshanje e-Dayimani, ngokubulala ifama elingu Van der Westhuizen. Eli fama lamfumana lomntu esiba ipesika entsimini yalo. Lisuke isela lakumbula kumninimzi lamhlaba amanxeba atile. INGQAKAQA kuvakala ukuba isingisela ekupeleni kwisizwe sika Kama. KUTIWA bonke ababantu bahliwe yingqakaqa ngoku abanqatshulwe. Ayifumani ibangene abaqatshulweyo. ISIQIKI sokongela ingqakaqa ebesise Mncotsho emabaleni sicitiwe, abafayo bonke babekiswe e-Xesi. Namhla sekungeniswe apo e-Xesi abantu aba 160, ishumi lonke lingene ngo Mvulo odluleyo. Kusafe 16 kupela. INGQAKAQA ingene ku Zanyokwe, isipaluka se Rabula. UMLUNGU abati ngu Matzahn wase Bloem- fontein utshelwe yivenkile ngo Mvulo wabehla wacinywa. kufunyanwe impahla igalelwe iparafini, wabanjwa kwaoko kuba kusitiwa uyitshisa ngabom. OKWANGOKU uvoto lwelungu le Palamente lendlu enkulu lokutabata indawo kamfi u- Hon. F. W. Duckitt lusangati luyakudubula ekunyulweni kuka Mr. van Rhyu. Obedyare naye ugu Mr. J. C. Hoftneyr. NGOLWESI-Bini u-Sir C. Warren wayene- ntlanganiso nama Bakwano abapantsi ko Sechile. Babonise ukuba bafuna bekuselwe yi Nkosazana ku Mabulu. Inkosi u-Sechite ivakalise umbulelo wokuba incedwe Kunene nga Mangesi. ABANTU base Gala baza kwenza isicelo ku Rulumeni ukuba abancede ngemali yokwenza indlela nokwaka umcancato pezu kwe Tsomo. UMANZ' abomvu obebikwa kulendlela isuka e-Qonce isinga e-Mtata uyadamba. INGQAKAQA ibuye yangena e-Komani Ize Namhla nomfazi nendoda bevela e-Xonxa. Indoda akuko temba lokuba yopila, umfazi uyatembisa. Bafunyenwe ngolwesi-Tatu kodwa sekubuye kwako nowesitatu ohliweyo. ABAXASI belipepa le Mvo Zabantsundu ba-yacelwa ukuba bangalibali nenkozwana zale kota. Mazifike. IKONFERENS yabafundisi base Wesile ya- hlukene ngo Mvulo odlulileyo. Siva ukuba ibiyenye yentlanganiso ezimnandi. KWIBANDLA le Palamente yase Natal, u- Mr. Escombe wase Durban uyakungenisa umcimbi wokuba imida ye koloni yase Natal yandiswe, ibute lemizi :Adam Kok, Amampondo, Amaswazi na Mazulu. AMA Russia ati alwa nama Afghanistan kuba asuka abonisa ubutshaba. Lati laku- pela iduli u-General Komaroff wama Russia wabuyela kwikampu yake. Ngezivela kwela Mangesi siva ukuba ama Russia abulawelwe kakulu. AMA Ngesi alungiselela imfazwe kunene. Kuko inteto yokuba iyakuti yakundululwa imfazwe ubuninzi bemikosi ese Yeputa buye e-Asia ze kusale ibe mbalwa ukumela i- Mahdi.