IsiXhosa Intellectual Traditions (IsiXIT) Digital Archive

Ite yandimangalisa yandikwanqisa kanjako into yokufumana ukuba kuseko ontsundu osenokuyitela gxwa izwi ipasi. Nditeta kambe ngo P. N. M. oyitetelele kwipepa lokugqibela. Uti u-P. N. M., Ihashe lomfo wangase Qonce lafunyanwa libiwe yindodana elumnkileyo. Ngokoke ipasi ilungile.' Lenteto kuyakufuneka ndiyenzelelele, kuba iyodwa nje iyayiloza. Ukuba angaba u-P. N. M. uteta ukuba lafunyanwa kuba indodana leyo yayingena pasi, ngati kuti laliya kusinda elotyendyana ukuba laline pasi Ibeke ipasi ibunqabise ngapezulu ubusela. Akazina u-P. N. M. ukuba amasela avayicaza amabala into aya kuyiba aze anikwe incwadi eyakuhamba iwakulula emapoliseni? Ipasi imnika isimilo nongenaso. Utinike P. N. M. ? *** Abalesi bamapepa bokumbula ukuba Kwaka kwako ipike elikulu pakati kwamagqira ase Dayimani ngelaxesha ingqakaqa yayibikwa kona—amanye esiti yiyo amanye esiti asiyiyo. Kwaka kwada kwako netyala pakati ko Dr. Sauer no Dr. Wolf, eliya nene lokuqala lalisiti yiyo eli lisiti asiyiyo. Njengokuba sifikile nje kwelilizwe esisifo seke ndeva ngezam indlebe omnye esiti asiyiyo lirashalala. Nokuba lilo asililo kufuneka abantu benze imigudu yokuba libehle lipele kubaliyoyikwa ngabantu. *** Siyabacela abalesi belipepa ukuba bati xa baza kutenga apa e-Qonce napina apo sazeke beyakutenga kwizindlu ezazisa into ezizitengisayo kwelipepa le Mvo Zabantsundu balipate ipepa eli, balibonise ku Belungu abatengelayo, bazalate kulo into abafuna bezitengile. Into leyo iyakuba luncedo kubatengi ngokwabo, kuba xa sazeke esazisweni kutiwe ixabiso lento lipantsi kuyimfanelo ukuba oyakulondlu ngenxa yoko ayifumane lonto njengoko. Kweletu icala iyakunceda ngokuti ibange ukuba abantu abazisayo baqonde ukuba ngokwazisa oko bayakufumana abantu bokutenga impahla zabo. Kwindawo ezingenazaziso kwelipepa bekungaluncedo ukuba abatengi bajokise ngokubacela abagcini-venkile nabapati mashishini ukuba babazise into esazeke zitengisa ngokubusulu nento ezintsha kwi Mvo. into leyo iyakudubula ekuqubeleni parnbili kwepepa lomzi ontsundu. Siyacelake ukuba abafundi belipepa bangayilibali lento—bayenze amax' onke abaya kutenga. *** Mr. Isaac Mataung, wase Tarkastad, nantso impendulo yento okade uyifuna. Sifumene lencwadi:— NKOSI YAM,—Ndiyazisa ukuba u-John Nkomo, elinye u-Sanisi, nanku apa. Omfunayo angati ngqo eze kum womfumana e-Humansdorp (Tsitsikama), uqa- shwe kona, sibonana futi. Ndingowako JOHN ZWELIBANZI. Lempendulo ibonisa ixabiso lokwazisa nge Mvo Zabantsundu, uhlobo lokutumela kulomzalwana lolu u-Rev. J. Zwelibanzi, Wittekleibosch. Humansdorp. Umhlobo wetu obala ekwelanga Pakati uti: 'Hambisani njalo bafo bakowetu wode abone no Mlungu ukuba no Nigala aba ngamadoda nakuba bemnyama. Kwelicala lase Mabulwini uhlanga lwa- kowetu lutshone pantsi kanye.' Singati kumhlobo wetu lo ihambiselo pambili yetu isekutandeni komzi wakowetu kupela. Ukuba wonke onokufunda uya- vuma ukufaka isandla engxoweni ancame ezinkozwana zingantatu siyakuhambisela pambili, sifeze into ezinkulu, ekubonakalayo okwangoku ukuba siyakuzibo— na ngamehlo mgama singazifezi njengo Moses kwintaba ye Pisuta. Amadodana ayakuxaswa ngamawabo. Amangesi axasa amawabo. *** Ndifunda emapepeni ukuba into endala ye Bulu lase Winburg e-Free State, abaye ngu Adridvan Niernand ipehlelele ngomhla we Cawa 15 March umntwana wayo ongowa 32. Kutiwa inani lesizukulwana sake ngoku likumakulu amatatu. kwa elixego beliko ekufalisweni kwa Mabulu, ngokwesiko lawo ukuba amadoda amane efaliswa njengokungati kuzakubako imfazwe. Onke amatiletile alomcimbi liwafeze onke. Hlala uhleli Adridyan ! Abalesi bamapepa Amangesi bake bahleliswa kwezintsuku yinto esand' ukuhla e-Kapa. pakati kwesoja elitile neledi elibekekileyo, U-Mr. Sibanizashe lityendyana elizitshoyo. Uti esahamba kwezo zitilato zase Kapa aqubisane amehlo ake nawe ntokazi apa, aselesuka ezibika esiti ndidlakile yilentokazi madoda. Ute akubuyela kwigumbi aqutuma kulo waselehlala nantsi etabata umsizi wake nosiba —esitsho, esitsho, esitsho! Ukubalela kulentokazi waqukumbela ngokuyicela ukuba ize ihlangane naye kwindawo etile ngoratyazo ezitalateni apo ukuze abe nokuyipalazela umpefumlo wake. lyifumene incwadi lentokazi isukeyotuka, ifanele. Yacinga, yacinga. yagqiba kwelokuba ize isifeze esisicelo. Okwenene ke kute ngexesha lomnqopiso yelwasu intokazi yaya kulondawo, ayibanga xesha lide yafika ingxilimbela yesoka yazixela, (kuba bebe-ngazani ngapambili) yayicela iledi ukuba babe nehambo etile. Inge iyahamba intokazi, yasuka yequba ipepile emehlweni omtakati, ute ekohlela elila, etimla yaye ikupa isabokwe ebisifihle pantsi kwebatyi intokazi yenza imvula—yatsho. yatsho, yatsho! Yabaleka indoda kwawa iminqwazi le imaqokobe made imnyama, awazicolelayo ama Xosa ase Kapa. Yapela apo lonto. Isifundo. Nasakuzilibala madodana nakuhlangana nomtinjana.