IsiXhosa Intellectual Traditions (IsiXIT) Digital Archive

IPALAMENTE iyakuwuqala umsebenzi wayo ngolwesi-Hlanu oluzayo (15 May). U-JUDGE BUCHANAN omnye wejaji eziteta e-Rini unduluke e-Rini ngolwesi-Hlanu Iwe veki engapaya ukusinga e-England. Usafumene ixesha lokupumla. IXABISO legolide embiwa e-Transvaal bati abanokulixela likwiponti ezi £7,784 ngeveki HLAULANI imali yepepa nkuze nonwabe. AMANGESI ase Kokstad ayila intlanganiso yokusebenzela nkuba lonke elo lase Griqua- land East ebelisakuba lelika Adam Kok li- bandakanywe nelase Natal. Okwangoku lisapetwe e-Kapa. OBALA esema Mpondweni kwipepa lase Kokstad uti inkosi yelo ibuta yonke impahla ebiweyo ekwelo; amanye amasela uwabopele- le komkulu. UMSEBENZI wokusuka izikumba uza kuqa- Iwa e-George kwelanga pakati. Amanzi alo- mzi kutiwa aulungele lomsebenzi. INQANAWA zemfazwe zasema Ngesini zike zabonakala kwisitaba solwandle esingentla kwe Kapa kwabakunxweme Iwase Piquet- berg. KUBIKWA ukububa ngolwesi-Bini kuka Mr. W. E. Jeffrey anyana ka Sijila wase Kama- stone, obesisandla semantyi e-Ngqamakwe. UMKOMBE oyi Raleigh ufike nompati zi- nqanawa zemfazwe omtsha ozokuhlala e- Simonstown ngase Kapa, igama lake ngu Sir W. J. Hantgrubbe, K.C.B. ELI lixesha lokuba itunyelwe imali yepepa yenyanga ezintatu nangapezulu. KUVAKALA indaba zokuba isebenzi liyalinci- pa e-Bloemfontein, zininzi ivenkilze ezimana ukuvalwa. IBANDLA elipete imfundo lase Natal licinga ngokumisa ibandla lemfundo epakamile- yo i-University. KE kwako idabi ema Mpondweni pakati kwawo odwa ekufe amadoda amabini. ICESINE ingene kwimikosi ekwela Baro¬long ? ekubeni nge Cawa edluleyo bekugula amashumi amabini anane besekufe isibini. EMINYE imikombe emitatu yabiwe e-Eng-land ukuba ize kukusela amazibuko aselwa- ndle kweli ngenxa yale mfazwe ngati izaku- bako yama Ngesi nama Russia. ULOLIWE ngoku selebaleka aye kungena e-Alvani nakuba izindlu zingekagqitywa. Kuzindlelwa ukuba angavulwa ngeveki yo- kugqibela kwinyanga ezayo. AMATYALA abengeniswe entetweni ngawo n-Mr. Dormer, Umhleli we Cape Argus, ngama Jodi ase Dayimani ngokusuka abengeze ihambiso yawo engasese ngentengiso yaloma- tye, adubule ekubeni akululeke kwe lonatyala elika Barnato. Udliwe £10 ngelika Woolf Joel naye evuma kuba wasuka waposisa ngegama, oyena mntu yayingu Isaac Joel. KUKO uvukelo lombuso oluhambiseka e- Canada kwelase America. I Canada ikwa yikoloni yama Ngesi. Ondiyalwa bonganyelwe ngu Louis Oriel. UMKOMBE ogama liyi American uza kuxo- tyiswa ube ngowemfazwe nawo. SINENTO eninzi yenteto ebezifanele ukunge- niswa epepeni, kodwa okwanamhla akuko situba. UKUSUKELA kumhla wesine ka March se- kutunyelwe e-Monti ababanjwa aba 123 besuka kulomzi, amatyala abo ikakulu bubu- sela. KWELA Barolong kuvakala nkuba uyakuti akulixolisa u-Sir Charles Warren agoduka nemikosi yake, kupate u-Major Lowe namadoda atna 2000 pantsi kwake aya kahlanIwa exesheni ngokunikwa ifama emdeni welama Bulu nabamnyama. UMLUNGU ogama lingu Fergusson ufakwe etolongweni inyanga zombini ngokusuka angenise utywala kwela Barolong. IPALAMENTE yase Transvaal ivulwe ngo Mvulo odlulileyo. UMONGAMELI u-Paul Kruger uvakalisa ite- mba lake lokuba lentlangano ye Palamente iyakuba nento eyigqibayo ngomcimbi wololi- we oyakusuka kusazi omkulu lowo wama Bulu aye e-Putukezi. U-MR. P. J. JOUBERT uvotelwe ngama Bu¬lu ase Transvaal kwindawo yokuba ngumo- ngameli wemikosi. U-HON. WILLIAM AYLIFF uyakuteta kwi- ntlanganiso yabanyuli bake base Bofolo ngo- kuhlwa (11 May). KAULEZISANI intlaulo yenu ye Zimvo ukuze nizilese ngokonwaba. INTLANGANISO yabafundisi bebandla lase Independent iqale namhla ukuhlangana e- Graaff-Reinet. U-Rev. R. Birt wenjenjeya ukusinga kuyo. ABAMNYAMA bayihme kakulu nonyaka ingqolowa e-Tyume. UDABA olusand' ukufika ngo Mr. C. Brown¬lee lolokuba ubetele kakulu. KUKO umntu ohliwe yingqakaqa e-Bayi, usingisela ekupileni kodwa. KWEZIVEKI zidlulileyo n-Mr. M. Pelem wase Dayimani wapangwa ihashe lake wapatwa kakubi zizigwinta pakati kwe Ligwa ne Ki¬mberley.