IsiXhosa Intellectual Traditions (IsiXIT) Digital Archive

Ngolwesi-Bini 21 April ilitye legumbi letyalike eyi St. Cyprian yama Ngesi labekwa kulo mlambo. Letyalike ikwanye naleyo ipetwe ngu Rev. T. W. Green Elukalweni Lwenyanga eyi All Saints, zaye kanjako inkonzo zabamnyama ziyakuhanjiselwa kuyo kanye ngenyanga. Ilitye labekwa ngu Right Rev. B. L. Key, D.D., kuba u-Mr. Stanford (Undabeni) oyi mantyi yase Ngcobo wayese Kapa ngemicimbi yakomkulu. Umhlambi wadwela kwindlu yamatyala wasinga kwindlu yesikolo sase Ngcobo ukokelwe ngumnqamlezo nelapu—izinto ezazipetwe ngamakwenkwana anxibe ezimhlope (surplices) ; alandelwe ngabavumi abantsundu base All Saints, yaza yangamagosa eramente leyo nabalesi be Zibalo etyalikeni yabaninyama, yangabafundisi—wonke umhlambi lo ute ngqi u-Bishop ugasemva. Ingoma eyayivunywa ngumhlambi yeti ' Liyakazimla ilapu esilipakamisileyo ' (Brightly gleams our banner)—ivunywa ngabavumi abantsundu. Asikolisi ngokuyiva imvumo emnandi kangako, ngalamanqakuke amagosa etyalike leyo anqwenela ukuvakalisa umbulelo wawo kubavumi ngoncedo Iwabo olufa. nelekileyo nolobubele ngalomhla. Lite lakubekwa ilitye lapakanyiswa ilapu elibalula ulaulo Iwama Ngesi, latakazelelwa ngezitonga libandla lamapolisa elise Ngcobo apo. Kwenziweke inkongozelo pezu kwelitye eyadubula kwi £13. Emva kwesitamsanqeliso u-Bishop nomhlambi ubuyele kwakwinkundla yamatyala.—