IsiXhosa Intellectual Traditions (IsiXIT) Digital Archive

INGQAKAQA isaya incipa ngakoma Qoboqobo. IPALAMENTE yase Free State imise iqela lamadoda elobandla ukuba likangele umcimbi wokwenziwa kololiwe kwelozwe. KWELA Bahlambeli u Sir Charles Warren ubuyile kwela Mangwato apantsi ko Khama apo ebeye kwazisa lonkosi ukuba yamnke- lelwe pantsi kwe Nkosazana. U VAN NIEKERK obesakuba yinkulu ya Mabulu ase Stellaland kwela Bahlambeli ubesiswe kwi ofisi ese Ligwa, ngelatyala lake eseloko licingwa ngokubulala u Honey. Igqweta le Nkosazana lase ~ _ ubungqina abanele labakulula KOLUQWITELA beke lwako kuko kwezinye zezinqanawa zincinane ebonwe ibukuqeka itshona ; oludaba lufike nenye esand' ukufi- ka seyilijacu. Impi eyayipakati ayisindanga. KWINGXELO yake yonyaka uti u Dr. Dale izikolo ezongameleyo zi 1,049 ; intsapo engeneyo 78,047 ; engene ngekota enye 56,296; inani elikulu ngemini zonke 45,590; elidla ngokubako 39,102. IDINDALA abati ngu Turner lase Wynberg e Kapa liqekeze ngobusuku ivenkile ka Mr. B. Van der Riet lemnka ne £100 ebise bokisaneni yemali. U MR. A. W. COLE omiselwe ukuba abe yijaji ebambileyo e Rini ngendawo yokungabiko ko Judge Buchanan, osinge e Eng- land, no Judge Shippard obanjwe ngumse- benzi wobu Komityi e Kapa, uyakubamba de kube lolwa 30 June. EZISAND' ukufika zivela e Mampondweni zibika ukuba Umdhlangazo J. S. Faku, ulungiselela ukuya e England kwakuyo lenyanga. INDABA zela Mangesi zifike ngomkombe oyi Trojan, zite-ga ngomhla 7 May, zivakalisa ukuba ngati ipike ebeliko pakati kwe Russia na Mangesi liyakupela ngapandle kwemfazwe. Amangesi awayekile ukuxob' efohlela. NGOLWESI-Tatu kufe amadoda amabini amatandatu enzakala ngokudilika kodonga luka loliwe kwibriji yase Nchanga ngase Tekwini e Natal. IMANTYI yase Xopo ikululekile kwinkatazo ebingene kuyo ngokukaba umntu ontsundu kwabase Amelika. U MQIKELA uyivalile indlela ecanda e Mampondweni eya kwizibuko lokungena ko Mzimvubu elwandle. Abelungu bevenkile kukade bemtandaza ukuba ayivule, kodwa uti ngalo lonke ixesha u Rulumeni ampangileyo izibuko lo Mzimvubu akasoz' azivule indlela. INGESI elingu Goodwin lidliwe £25 e Mampondweni ngokutengisa utywala ngapandle kwepepa lemvume. SIBIKA ngosizi ukububa komfundisikazi inkosikazi ka Rev. John Wilson ose Batenjini, oku kuhle ngolwesi-Bini lwe Cawa edluleyo. Igama lake labantsundu ibingu ' Cawa ' ngenxa yokulunga nokuzolakwake. Kwakona umpanga womfundisikazi inkosikazi ka Rev. F. G. G. Kayser uyabikwa uye emvuzweni wake ngo 20 May. Sikuza aba- fundisi abatwele ukubujelwa nentsapo yabo. E-PALAMENTE U Mr. Dyer, M.L.A., ubengenise indawo yokuba umfundisi apa wase Rini u Very Rev. F. H. Williams, D.D., oshumayela kulotyalike imi esazulwini sesitrata, ofumana £400 ngonyaka ku Rulumeni akweleliswe ngenxa yokuba waka watetelwa kubi ngasesimilweni. Ipalamente yalile ukuyingena lonto, yati ludushe lwabafundisi ma- balugqibe ngokwabo. NGOLWESI-Tatu kubanjwe e Kapa u Sam Wiel ofunyenwe enedayimani zokubiwa, waziba ebokisaneni yebandla labembi eliyi Anglo-African Company, Dutoitspan. U JUDGE GREGOROWSKI, wase Free State umiselwe ukuba acedulule imicimbi yomhlaba wa Barolong obusakuba ngoka Moroka. U BISHOP wase Rini, u Right Rev; A. B. Webb, D.D., uyakumisela nxamnye kumsebenzi ka Tixo ityalike enkulu ya Mangesi ase Tshatshi ngo 7 June. LIYENYUKA ixabiso lehabile e Bofolo ngo Mgqibelo ongapaya enye ihambe kwi 5/6 ngekulu. UMTETO omtsha opambi kwe Palamente umisela ukuba elo lapesheya kwe Nciba lahlulwe kubini ze esinye isiqingata situmele ilungu, elinye litunyelwe sesinye. IMVULA zinile e Free State, impi elimayo iyawuhambisa umsebenzi. UMPATI-MIKOSI wela Bahlambeli wazise ukuba makungakululwa zimbi inqwelo kwe- zo zinemikosi kwelozwe ngoku. INKAZANA engu Sarah Baliso izibulele ngo- kuzixoma kulantolongo indala ngeveki edlu- leyo. Ibifakwe ngepezolo inxilile. ABAVELA pesheya kwe Nciba bati lemvula ayinanga kwela Mamfengu. ISIKOLO sase Lovedale siyakuvalwa ngosuku lwe 17 June ngolwesi-Tatu. EPENDULA umbuzo ka Mr. Frost e Palame nte, ongokuba u Rulumeni uyacingana ngo- kwaka umcancato pezu kwe Tsomo e Cala ute u Mr. Schermbrucker, umcancato lowo ungabiza £20,000, akukabiko mali ngoku yokuwuhambisa lomsebenzi. U WASLI i Kuli esabika ukubulala kwalo umfazi walo nomsakwabo uxonywe e Tekwini e Natal ngelwesi-Tatu lweveki engapaya. E ENGLAND amatuba okuboleka imali ezi Bankini ehle ngangeponti ezimbini kwezili- kulu—into ebonisa ukuba imfazwe ayisaka- ngelwe. INGXOXO ebingeniswe e Palamente ngolweSi-Hlanu ngu Mr. Wood yokuba kutintelwe ngomteto imitshato yabantu abazalanayo ayivunyelwanga luninzi. Abebeyivuma 31, abayicasile yo 34. E PALAMENTE kweengwevu ibandla ngo- lwesi-Hlanu u Mr. Bowker wase Somerset ungenise indawo yokuba abamnyama ngapa- ndle kocalulo banyanzelwe ukuba bahambe nge pasi ebekwe isitampu esiyakuhlaulelwa ngabo. Uxaswe ngu Mr. Meurant, obesakuba yimantyi yase Bofolo. Ucaswe bukali ngu Mr. Ebden, wabongozwa ngu Mr. Schermbrucker ukuba ayekelele, kuba u Rulumeni ezakungenisa umteto omtsha wepasi EMGWALI, e Batenjini kuvakala ukuba ezi- mvula azinanga, endaweni yazo kusuke kwa- gquba utuli. Impahla iyatshabalala ngoku- sweleka kwento eyidlayo. Nendlala ebantwini iko. NGO Mgqibelo ongapaya kutshate e Bayi ne nenekazi lase England u Miss Marshall, u Mr. Horace Ayliff unyana ka Mr. Jonathan Ayliff wase Rini. IMIKOSI ya Mangesi iqalile ukupuma e Yeputa. Ibise isemantla omlambo wakwa Faro i Nile. ONYULWE endaweni ka Hon. F. W. Duckitt obubileyo nobelilungu lebandla lengwevu e Palamente langasentla kwe Kapa ngu Mr. P. B. van Rhyn. Ubegqatswe no Mr. J. C. Hofmeyr. ZIYAKUVALWA izitora zase Monti ngo Mgqibelo. Lolona suku kugqitywe ukuba kukunjulwe umhla wokuzalwa kwe Nkosazana. U M. LESSAR otunywe ngu Rulumeni wase Russia uyakudibana no Colonel Ridgway e Alghanistan ukuba bamise umda apa obupa-ntse ukwenza imfazwe. EZIFIKE ngo Mvulo zivela e England ngo-cingo ziti, bekulungiselelwa e London intla nganiso enkulu yokucela u Rulumeni ukuba apate kwa Zulu. U SECHELE inkosi ya Bakwena no Gasitsiwa balandele a Khama ngokuzinikela pantsi kwe Nkozazana.