IsiXhosa Intellectual Traditions (IsiXIT) Digital Archive

[NGUMBALELI WETU.] May 20,1885. Ngomhla weshumi elinesibozo ku May, be-kuko i Tea-meeting enkulu e Bulfontein, yo-kubulisa u Rev. Paulos Sepamla, oya e Bloem-fontein. Yayiyenye yemini ezimnandi kakulu kwababeko. Zavuma kakulu i choir ezazikona; i choir ezazingeko ngokuxakeka zezo Mr. Moss no Mr. Pelem, sabalusizi kakulu ngokungabiko kwalamadoda. Singati ngokufutshane : Nkosi kuyakude kube ninina lomzi wase Dayimani uwutshikilele malungana nengqoboko! Siyakolwa ukuba bovuya kakulu abahlobo betu ukuva, ukuba esinye sezigwinta ezazi-fumene u Mr. M. Pelem sifunyenwe. Ityala elo lingene pambi kwe mantyi ngolwesi-Tatu ngomhla wamashumi omabini kulenyanga (May 20). Ityala elo lilindiswe ukuhlala kwe jaji. Kwimpahla eyatinjwayo kufumaneke ihashe, nesali, into engekafunyanwa ngumkala nomnqwazi. Siyatemba ukuba ukufunyanwa kwesisihange kuyakuba sifundo kwezinye. Ngesiba siti ukuba intlalo yalomzi wase Dayimani ibingenguye lo ' telele 'mvubu ntsuka bahlale,' Imvo asikuko nokuba ziyatandwa ngabo bazifundayo. Ngolwesi-Hlanu usuku ezidla ngokufika ngalo akubiko utuma omnye ukuya kuzitabata. Kuti mhla zite azafika ngokuna kwemvula u Mr. M. M. Kosani igosa lazo lipepe izigweba zamazwi kubamnkeli bazo. Umkondo osukelwa si Sigidimi ubangele udano olukulu, kuba bekusitiwa apa ngokuvela kwe Mvo namhla imvaba iyanda. Kanti sona Isigidimi nguhaba ingqutus' induna efuna ukubona inyakenye yodwa. Xa ngaba sipalaza umoya wase Dayimani singati zimbini indlela ezivulelekileyo pambi kwe Sigidimi. Kukuba lomkondo sihamba ngawo siwulahle kuba awusingeniseli nto, wenza ingozi endaweni yobulungisa. Sidla ngokubona tina nasezintweni zakwa Tixo besiti abalauli bemioimbi yeramente bakubona ukuba umfundisi akavuni neqela elikokeleyo bamshenxise, nokuya kungeko bani ukanyela ukulunga komsebenzi wake, noktiya yena ityala alibeka ebantwini. Ukutsho ke siti, nakuba sona Isigidimi sikobela kule mfundiso yaso intsha ayingeni kamnandi kubafundi baso. Injengomrayo abesiti amakwenkwe ukubonakalisa ukuwutiya kwawo mhla ungenamafuta ati ukuwubiza namaxa axelela amanye ati ' Kowu ! yingca madoda.' Ngoku uti ubuza komnye ukuba Isigidimi sifikilena, ube sewunelinqe kuba ezakuti—akukonto iselelezolo. Ngakwezakwa Tixo, masiti inqwelo leyo wayiqobosha umfo ka Satana yema ngenasu. Ayihambi inqwelo leyo, ziqotyoshwe zone ivili, azisapiwa netela. Singati lomzi ngenxa yoku ufana nengcwaba lika Cihoshe akuyi lubuyayo. Ketina kokwetu ukubona, lomzi usaswele abasebenzi abanyulwe ngu Tixo ngokwake; kuba apa indoda ingeza ipete umbaxa lomzi uyayala. Singati kuwo onke amadoda apete lemvaba yakomkulu angaba anomnqweno wokuza kulomzi—makaze abe umxelo wawo mnye usemsebenzini lowo anyulelwe wona. Asitandabuzi indoda enjalo ingapumelela ekuwonyuseni amawakawaka amanxila afela ezitrateni, emingxunyeni nasezi hospetileni (Hospital) zase Dayimani ngapandle kokwazi nento le ngo Mdali wawo. Kodwa noko kunjalonje imitika emide emnyama namaqina amhlope ayalala. Ngo Mvulo (May 18) u James Mnqebisa wase Macubeni, e Dordrecht upangwe ama shumi amahlanu eponti (£50) ngabelungu abatatu abangama Gosa enqwelo. Bangati bambizela imitwalo yemikosi eya e Taung kwesika Makurana, basuka bamtshixela endlwini bayitabata yonke imalana yake. Asafunwa amagqwira lawo omatatu.