IsiXhosa Intellectual Traditions (IsiXIT) Digital Archive

UKUBUBA KUKA MR. J. TONDINI. Sibika ngosizi olukulu ukububa kuka Mr. James Tondini, Umkokeli wase Tshungwana (Mount Frere). Umfi lowo yindoda eminyaka 24 ngalo yasishiyayo ngawo esilwela inkosi; wazinikela e Mgwali (Clarkebury) engumfana oseleze- kile, wafuduka apo weza e Bencuti (jshaw- bury), wabuya wafuduka apo weza e Sebeni, wesuka apo weza kuma apa e Tshungwana. Kwezindawo zonke umfo lowo uhamba nekaka le Nkosi yake aha- mba ehlanganisa ngalo; namhlanje uwele eluhlwini njengendoda. Ite Inkosi yake akutika apa e Tshu¬ngwana yampa ubutyebi benkomo, ama- hashe, inqwelo, igusha nozibokwe, nezi- nye izinto ezonwabisa umzimba nompe- fumlo kwelilizwe lasemzini. Site isicaka sika Yehova sakubanazo ezizinto sanqo- ma ngazo abantu; saza ezinye sazisisa, saye ngoko sinceda abantu. Ngenxa yo- kukatalela kwake amahlwempu, abahlo- lokazi, inkedama nabasweleyo ubesele ngati uyinkosi, kuba ubesiti umntu oswele into aye kuye, alike ayizuze lonto. Namhla uyabonakala ukuba wayenelizwi umfi lowo eliti esifubeni sake: kumbula amahlwempu, inkedama nabasweleyo (I. Timoti, vi. bayaleze abazityebi kulo-mhlaba); (Imizekeliso xix. okedamela amahlwempu). Enye indawo ngumfo obeselete ngenxa yeliso nenkatalo ngenxa yomntu wanga usisibonda apa, ide ima- ntyi nomfundisi, amakosi nabantu bafa- na ukumbeka ukuba abe sisibonda, wala akabuvuma; kuti pezu koko walowo ngapakati wazibekela u James Tondini ukuba makabe sisibonda—zati nendaba zesikalo zatutwa kuye yimantyi nomlu- ndisi, ngumginwa nom-krestu. Kute kumatyalatyalana esikolo amancinane angafanele kuya mantyini, kuti kwaku qubisana amadoda ebandla, ange akako umfo ka Mkiva, kanti ufuna inyaniso, bati besaxomene ngekete losityebi, noli- blwempu, inkedama nonoyise, umginwa nom-krestu, (akuko apo kungeko kete) avele umfo ka Mkiva alahle osityebi xa angenanyaniso. nolihlwempu xa angena- yo, njalo-njalo. Namhla isikolo sakuti siyakulaulwa ngekete, umginwa uyakufa, ihlwempu liyakuzibonela, inkedama ayi- kuba nabani; utshonile usozinkedama, mandiyeke ngalamazwi ati:— ' Akunalusizi kufa ' Akunakucengwa, ' Bubuninzi benyembezi ' Akunakupazanyiswa.' Ukugqibela manditi, akanelanga zinko mo, zinqwelo, ngamahashe, zigusha ne bokwe, nobunye ubutyebi belilizwe: ite kanti intliziyo yake ililela ubutyebi obu- lityelweyo yinxalenye yabantu abanga- bahambi njengaye, ubutyebi bonapakade, (Mateyu vii. ziqwebele indyebo ezulwini. Umfi lowo ugule ishumi lenyanga, kwi- nyanga zontatu zokuqala, kubonwe ku- sisa kusiblwa, kwati ngeyesine kwa- tekiwa, wada wasiwa e Mtata kumagqira amagwangqa, wabuya e Mtata esekwanja- lo engabambekanga kakulu ehamba-ha- mba pandle, bada nabantu baya emisebe- nzini yabo. Kute ngolwesi-Bini 2 June 1885 yava- Kala isitsho injengele enkulu ukuti elu- satsheni Iwayo, kanipume, ndifuna uku- hlala ndodwa, bapumake, waseletuma kwaoko umkake ukuba makuyokubizwa unyana wake omkulu u John, wafika ukutshona kwelanga. Bangenake bonke abantu ; lavakala iqaji elikulu, eliminya- ka imashumi 24 lisilwa elidala, lati: lu- sapo, ndiyanishiya, ndiyagoduka, zeni- gcinane nide nahlulwe kukufa. Wati ku John, unyana wake, John, uzugcine amahlwempu, njalo-njalo; okoke sekuse sandleni sika John Todini, wozibonela naye imfanelo yake. Uwele eluhlwini njenge njengele umfo wasema Beleni, ufele einsebenzini we Nkosi yake, ekwiminyaka emashumi (50) ave kude ubudala bake. Isifundo esisi- fundayo sakucinga ngaye ubawo lowo, sesokuti makungabiko namnye obudela- yo ubuncinane bake, ze kube ngumzeke- 10 wabakolwayo, ngenteto, ngehambo, ngentado, ngomoya nange ukolo. Ndixolele Mhleli ngokutata indawo engaka. Ndim owako wonapakade