Title
eng
Eka Mr. Nightingale Ependula Ama Kama. (IMVO_1885-01-05_i028)
Found in Newspaper
Article Type
xho
Letter
Author of Article
eng
Nightingale, Percy
Language
Locations Mentioned
eng
Kapa
Date
24 December 1884
Newspaper Code
eng
IMVO_1885-01-05
Identifier
eng
IMVO_1885-01-05_i028
Word Count
eng
301
Print Page
eng
IMVO_1885-01-05_p003
Page Spread
eng
3.3
Start Page of Article
eng
3
Print Column
eng
3
Coder
eng
Siphenkosi Hlangu
Le siyilandelisayo yimpendulo yaloncwadi yayibalelwe u-Mr. Nightingale.
Kwi Ofisi ye Mantyi, E-Kapa, 24 December, 1884.
ZIHLOBO ZAM. —Kwintsukwana ezidlulileyo ndisand' ukufumana inteto yenu ebikwincwadi yenu emnandi kunene, ebeniyibale nisenza umbulelo wenu egameni lesizwe, nibulela isenzo endasenzayo ngokutelekelela ukuba sisesilungileyo oko ndandisese Qonce, ngokwenza isicelo ku Rulumeni, ndizamela ukuba kubujiswe inkantini nokutengiswa kotwala emhlabeni wenu. Nakuba ndati ndadaniswa ngabo endandiba bondixasa kwelo linga lam, kwaye kananjalo ndite ndahlangana nencaso enkulu kunene. ekubeni elilinga ndenze isicelo sokuba litwatyululelwe ngu Rulumeni nakwezinye indawo, ndakuba ndiyamkele incwadi yenu, esendite ndayidlulisela ku Honourable Mr. De Wet, ndonwatyiswa kanye, ngendawo yokuba yabonisayo ukuba elilinga ebendingati ndilizama ndedwa, liqube kakuhle, elide laba lelibangele ukuba niti nonke ngamxelo-mnye nenze lenteto yembulelo ku Rulumeni ngokuba ete wazikwelelisa inkanti ezo pakati kwenu, ezilutshaba oluntolo ebeningenako ukuzihlanganisa. Kodwa ke noko ndinga ningayiqonda lendawo, njengoko ndahlala ndisitsho kuni, yokuba kulento iluselo iyeza likuni ngokwenu. Kuba nam ningaba nako ukwenza imbumba enjengaleya ikwa Mr. Levey e-Xalanga yamapolisa, azenze wona ngokwawo, nizeke nina ingabi yeyokubamba amasela kupela, koko nilinge ukubamba bo- nke abo abati ngapandle kwe mvumelo bazise batengise iziselo ezinxilisayo emhlabeni wenu; ebekungatike ukuba ndoda leyo nalawo nalowo umfazi wenziwe, ngentsebenzo yabafundisi benu nangentsebenzo yabo aba- xuma uhlanga lwenu, ukuba abone ukuba lihlazo kwabo ubunxila obu, nobukulu bayo into yokupapamela imisebenzi, abantu bako- wenu bebeyakuba nempumelelo engapezu kwabangaba bake baba nayo.
Lamazwi ngamazwi omhlobo omdala okade ezama ukuba abapate ngobubele abantsundu nangobulungisa, onqwenelela kananjalo ukunga angababona besingisa pambili ekwazini nasebukrestwini, into ke ezo abangenakuze babe zizo ngalo lonke ixa abasengama- koboka olutshabakazi lomntu—ubunxila no- bunqenera.
Lencwadi yenu iseyinto yokuqala endiyifumeneyo kwabantsundu esisinqinelo sobu- lungisa ebendizamela ngemigudu emininzi ukubenzela, iyakuhlala ke injengesikumbuzo esikulu kum sesiqamo somsebenzi wam we- minyaka emashumi mabini anantandatu ndi- yimantyi, inkoliso yeloxesha ndilicitele ku- bantu abamikwa yokulunga nobufutshane babo ndingekabi nakuyazi noko.
Ukunga ninganyamezelela ekwenziweni kokulungileyo, niqubele pambili ngokwase- mpumelelweni nasebumnandini, oko kungumnqweno womhlobo nomlangazeleli.mpumelelo yenu.
