Title
eng
Incwadi Entsha Yengoma. (ISIG_1885-09-01_i002)
Found in Newspaper
Article Type
xho
Announcement
Language
Newspaper Code
eng
ISIG_1885-09-01
Identifier
eng
ISIG_1885-09-01_i002
Word Count
eng
214
Print Page
eng
ISIG_1885-09-01_p001
Page Spread
eng
1.1-2.1
Start Page of Article
eng
1
End Page of Article
eng
2
Print Column
eng
1
Coder
eng
Siphenkosi Hlangu
KUMHLATI we zaziso kubikwa incwadi yengoma,—' Amaculo ase Lovedale,' abalwe ngu Mr. JOHN KNOX BOKWE, egqitywe ngo August lo ukushicilelwa. Kade emelwe umniniyo ukuba awahlanganise abe yincwadi amaculo ake emigcobo, nonqulo, aselesetyenziswa kunene ezindaweni apa. Ub'engavumi ubala olu, ngoku ude woyiseka. Usakupe inxenye ke. Lelokuqala ilinga lencwadi enjalo elenziweyo ngumfo ontsundu, ngemigudu yake yedwa, esenzela amakowabo. Mabini awesi Ngesi, elinye leli aliboleke abafundi betu kwesi Sigidimi. Asikabi nalizwi singalibekisayo namhlanje, kupela lelokuvuyisana nomzi wakowetu ukuba ziya zivela ngazinye impau zokufika kokukanya ekaya.
Inteto ka Mr. BOKWE yokutshayelela incwadi yake iti:— ''Mawetu! Nalo kambe ilinga lokunikonza. Ukuba kuko into etandwa ngomxelo wonke sisizwe sakowetu esimnyama, kukugwaba i-' Ngoma.' Ezi ke ndinihlanganiseleyo kule Ncwadi, zise ligcuntswana lokuqala; ukuvavanya ukuba ingaba into enje niyayifuna sinina ukuba niyenzelwo ngu wenu; enoti oko nikubonise ngokuyamkela, nokuyiseben- zisa kwenu. Into endinosizi yiyo, kukuba ipume incinane kangaka; kanti noko ingako, inako ngoncedo lwenu ukuvu- lela engapezu kwayo indlela esanqabileyo ngoku. Ndifake amabini ateta isi-Ngesi, kwabe ukwenjenjalo ndirweba abalonteto, abangayivayo eyakowetu, ukuba nabo bataka- zele ukuba bakoliwe ngulomsebenzi.
'Itemba endinalo lelokuba zonke izinto zilaulwa bubuko buka Tixo. Ukuba ngoko kuyimvume Yake ukuba incede lencwadana idelekile nje, wovuselela ukuba lamaculo ase ezindlwini zamakowetu indaba zovuyo; kumenyezwe ngawo impau zokufika kokukanya ekaya; nokoyisa kuka Yesu Kristu, u-Msindisi wehlabati, owolule ingalo Yake ukuba alaule nakwela kowetu ilizwe.'
