Title
eng
Ukububa Kuka Mr. Philip Koti. (ISIG_1885-09-01_i005)
Found in Newspaper
Article Type
xho
Announcement
xho
Letter
xho
Poetry
Author of Article
eng
Koti, Ebenezer P
eng
Gqoba, W.W.
Language
Locations Mentioned
eng
Kentani
Date
10 August 1885
Newspaper Code
eng
ISIG_1885-09-01
Identifier
eng
ISIG_1885-09-01_i005
Word Count
eng
285
Print Page
eng
ISIG_1885-09-01_p002
Page Spread
eng
2.2-3.1
Start Page of Article
eng
2
End Page of Article
eng
3
Print Column
eng
2
eng
1
Coder
eng
Siphenkosi Hlangu
UMFI lo ungu Mr. Philip Koti wazalelwa e Tyume, ngakwa Nomadolo, weza kufunda e Lovedale eselevela e Ncemera, wahlala iminyaka emitatu kususelakwi l855 kude kuye kwi 1860. Way'enesimilo, nemfundo etomalalisayo. Ute epumile apa e Lovedale, wafundisa e Bolo kwesika Ntisa, iminyaka eyaneleyo. Emva koko wagcina ivenkile ka Mr. Irvine ebise Bolo ezantsi, kwelika Godwane, kwa iminyaka eyaneleyo. Ude wawelela pesheya kwe Nciba e Qolora nge 1872, wancedisana ne Rev. W. Girdwood kona, lade lafa ilizwe ngo Nca-ye-c'ibi. Ngoku ububa ekwakwelo'zwe lapesheya kwe Nciba. Unyana wake usitumele wenjenje umbiko :— ' Nkosi yam Mhleli we Sigidimi,—Ndincede undifakele nango umgcana wam, obika kuzo zonke izihlobo zam nabavelana nati, ngokububa kuka bawo u Philip Koti, ubube nge 31 July, 1885. Wasishiya ngetemba, nangamazwi abewateta, noko ndingayi kupika nawo onke. Wati ngexesha lokupela, ' Inkosi mayiyenze intando yayo.' Ndim owako
EBENEZER P. KOTI.' Centane, 10th August, 1885.
Lombiko ulusizi, siwufumene, kwamnandi sakuva ukuba umhlobo wetu lowo udade wapumela kwezo nzulu, nempopo- mo zemisinga yomlambo wokufa, esivuya ukuba umemeze ngeliti xa ati cabakatsha kweli ngapesheya, kwelo bomi obu- ngapeliyo, Mayenzek' intando ye Nkosi.' Umfi lo, waye ezalwa ngumfo owazinikela emsebenzini wokushumayela iva- ngeli kumawabo kusemiwe e Tyume, ngakwa Nomadolo, ngexa lomfi umfundisi u Tshemese omdala. Naye ke wawonza lomsebenzi kwase bufaneni bake, ade awele kwakulo msebenzi nje namhla.
Taruni ma Kwayi! taruni ma Tshawe!! Enzala ka Gwali, ku Togw' ekunene, Kwa Ntaba, nakwa Mkombe ubembisile Enzala ka Ntuli, ngo ndaw'enihlele; Kupele amazw' okubeka ilitye Nge ntswahla ye mbiko ezikwa njengale, Sesifane sazizi nkama mamunge, Sibotshw' imilomo, sifakw'iziceme!
Kutetwa ngulowo unguy' u Dolohle, Umtunz' wabo bonke bonga bangaka nje.
Uvuna impela, akabuyi ngamva, Ebiza ngabanye, ngawab' amagama.
Bamana besiwa, besiwa, ngokuwa, Nge saci segqabi lomt'ongu mncunuba.
Bacimba ngabanye besiya ekaya, Behlanjwe ngegazi le Xwane i Mvana.
W. W. G.
