Title
eng
Ezapesheya Kolwandle. (ISIG_1885-09-01_i009)
Found in Newspaper
Article Type
xho
Editorial
Language
Newspaper Code
eng
ISIG_1885-09-01
Identifier
eng
ISIG_1885-09-01_i009
Word Count
eng
352
Print Page
eng
ISIG_1885-09-01_p005
Page Spread
eng
5.1
Start Page of Article
eng
5
Print Column
eng
1
Coder
eng
Siphenkosi Hlangu
ATI amapepa ke kwaqutyiswana ngama Ngesi nama Arab kwelase Dyeputa, agxotwa ama Arab, yazindwane, kwafa amawaka amatatu (3000) kuwo. Elo duli lali nge 15 ka June.
UKUFA KUKA MAHDI.—Ati amapepa u Mahdi wokuqala ubulewe yingqakaqa, sekusamele lo umtsha ngoku, ekubonakala ukuba, xa ib'ite yabehla yafika ingqakaqa ngekungeyiyo lento kuyiyo namhlanje kulo lonke elozwe. U General Gordon nge eseko, nezinye izinto ngezimi ngolunye uhlobo namhlanje.
INTAKA EZITO ZINE.— Ati amapepa ke kwafunyanwa intaka ezito zine e America kwi siqiti se Marajo, ecwebeni le Amazon. Yafunyanwa ngu Mr. E. M. Brigham, igcisa lalomsebenzi. Lentaka iti xa ise lintshontsho ibe zito zine, ze kuti kwakuba ntsuku, suke leya ingapambili imilenze iguquke ibe ngamapiko. Yintaka efana nenkwali.
KUVAKALA ukuba lisemehlo pesheya kolwandle, pakati kwama Russia nama Ngesi. Ama Russia ati kwiminqopiso ayenzayo nama Ngesi, kanti enza inkongo, awanika imbila nge ntloko. Siteta nje kokona udushe kubonakala ukuba luyavuka, ama Russia ngati inye into eya kuwaxolisa ukuze lento ide ipele, kukulwa kupela. Aselengenwe lelo twabe, kupelile kuya kude kupalale igazi isipelo.
UKULWA KWAMA GQWETA I AMERICA.—Ati amapepa ngosuku lwe 19 ku June, kubanjenwe ngetyala lendoda abati ngu Stephens, ekutiwa ubulewe nguye u Doctor Wallace wase Mansfield. Kwagqitywa imini yonke kuba- lwa amagama e jury; aye amagqweta asel'ezincutungu eziqumbileyo kakade. Ewaye abameli ingu Mr. Henry Furman, omele onetyala; no Attorney Broulin, umqubi walo. Abawenzanga made, basebe paselana eziqwini. Lali ximfi-ximfi ngamafisa pambi kwe jaji engu Beekman. Kute ke kuba kusazeka ukuba omabini amagqweta apule izinti (axobile) suke kwe milikinxi ukuxinana e ofisini apa, kwanokuti ja iminyele. Kute kwakuba njalo, yehla ijaji esihlalweni, suke wasel'eyeba nge nqindi u Mr. Weare, watsho kunene esikondweni sendlebe e jajini, ibetwa lelinye igqweta elibambisene neli lingu Attorney Browlin. Kuke kwati nzwanga kwi jaji yakangela ngamaluza okwexeshana, kute kwakuti qabu yakupa kwange fisa ku Mr. Weare, yanga imgibisele ngesando qwaka yatsho yaposa enzalweni, Ite kaloku yabekisa kwi jury ukuba yahlulu ababantu babambeneyo, kwakuxa kute milikimi ngemizamo. Bade balanyulwa. 0 Messrs. Furman no Browlin badliwa ama 50 endaliso emnye, yati ngobubuya bayo i jaji yamyeka u Mr. Weare. Kuxa sebe zinyapopo ligazi abo bebeximfa- na. [Lumkani nonke magqweta, llanga libalele, usikwa tyefetyefana lingenazingalo, nonyaka intambo iposelwe pezulu. ED. Isigidimi.]
