Title
eng
Imbali Yohlanga Oluntsundu. (ISIG_1885-10-01_i001)
Found in Newspaper
Article Type
xho
Article
Language
Newspaper Code
eng
ISIG_1885-10-01
Identifier
eng
ISIG_1885-10-01_i001
Word Count
eng
241
Print Page
eng
ISIG_1885-10-01_p001
Page Spread
eng
1.1
Start Page of Article
eng
1
Print Column
eng
1
Coder
eng
Siphenkosi Hlangu
Zonke ezinye intlanga apo imfundo nokukanya zifikileyo, imbali yonke yezo ntlanga sel'isaziwa kumazwe ngamazwe ngenxa yokuba isel'ibaliwe, yashicilelwa. Ke nati siluhlanga, besine mibuso ebine miteto, ebekuhanjwa ngayo zizipata mandla, kwababantu bazo. Njengo hlanga, besinamasiko amahle namabi, njenge ntlanga zonke. Besinawo asakumbulekayo nangezi mini, abenceda, ekulula kwi mini zase budengeni, zase bunyameni, angeka guzulwa 'nto ngala elixesha lakaloku nje. Besinawo amasiko anjenga wokuzeka nokwendisa, awokwahlula imida yomhlaba, awamafa, awemidlalo, awokuzila, nawo kuncwaba, awemikondo, nokulandwa kwayo, nawentlaulo yezonto, nawenkolo-nkolo zento ngento. Awozinqina, namapulo, nawokusita, nawo- kunyanga, nawokunuka amagqwira, nawokombela, awemi- dudo, ozintonjane, awabakweta, nawokuqola inkosi, noku- zenza amakwayi. Awemfazwe, nawoxolo. Zonke ke ezonto zifanelwe ukubalwa zibe zincwadi, zifundwe zizizukulwana ezisezayo, zibe yimbali emiyo. Lentlanganiso Yo- manyano nge Mfundo yayikwa Hleke, yayipongomela kunene londawo, yayinyanzela ukuba mayipandwe imbali yohlanga. Ke imbali inani makowetu, tina lutsha asiyazi kanye. Uti nokutiwa tina ungoyaziyo, suke exwakana akufuna ukuyenza.
Ukutsho ke sicela imbali maxego akowetu nonke. Sifu- na ezase Bungune zonke. Sifuna ezase Mbo zonke. Sifu- na ukwazi ngala marwintsela akoyo pantsi kweli gama liti ' Abambo,' kanti akutetwa Mamfengu onke, njengoko inxenye ihlala inqwena ukunga kungatshiwo. Nantsi lendawo inga ingacaca,—Kutiwa onke ama Gubevu ngaba Mbo, Lusutu, njalonjalo. Uze uti xa ulapo uve oma Reledwane sel'engabe Sutu nawo, kanti kuhlontlotelele koma Bele atile, uve nakuwo selekwa Lusutu. Kanti ke konke oko akuteti kuti, osukuba engu Msutu wonke ungu Mbo. Londawo ke nezinye ezikwanjalo zinga zingabalwa sibe nako ukuziqonda. Sicela imbali makowetu nonke, kuba neyakwa Xosa ikwa ngumxaxa ongeka hluzeki.
