IsiXhosa Intellectual Traditions (IsiXIT) Digital Archive

Henderson, 10th September, 1885. Lentombi ibube e Tunxe nge 10 September, ngolwe Sine evekini. Ibubele e Nkosini eyayikonza isencinane. Iyenye yenkedama ezashiywa ngunina noyise ababubela Emgwali, zasala zizinkedama ezintatu, u Charles, no Cornelius, no Catherine lo ke. U Cornelius wabuba ngo Ncayecibi, a Charles use Dayimani ngoku. Lentombazana ikulele kulo nina kwa Nyosi Wm. Gaba, apo yondliwe kona, kwakunye nabana- kwayo abo. Yatatyatwa ngu Miss E. Oglivie, yahlala kuye iminyaka emininzi, ade awele nje u Miss Oglivie lowo, yasala elugcinweni wakulo nina kwakona, yasala pakati kwabazalwana ababini, o Messrs. N. Mantsayi, (apo ibuba ikona ngoku), no Wm. W. Gqoba. Yintombi oshiye umzekelo omhle wobu ntombi bobuntu ngobunyulu bayo, nobu Kristu obuqaqambileyo, kuye wonke ubani obeyazi, ontsundu kwanomhlope. Iya kulilelwa kude kube pesheya kolwandle ngenxa yesimilo sayo sobu Krestu nesonti lobuntu. Imbali yake inde asinge yigqibe apa. Yamkelani lombiko zihlobo. * * * * Uyile ku nina no yis'ezulwini, Upumle kwi ntsizi zase muhlabeni, Uye ku Msindisi, amnyul' ebutsheni, Wamcuba kwapela kwase busaneni. Silila sivuya, tina bazihlobo, Sivuy'sw' apo lidini legaz' elimrolo, Le Mvana u Yesu kwa kwaba mandulo, Ahlanjwe kwakulo, wahamba ngoxolo. Silila ngetuba losizi lobuntu, 'Kushiywa ngumhlobo, owet' obuhlungu; Sopis' amanxeba, silala kwangawo, Xa sazi ukuba umkile ngoxolo. Taruni ma Leta kwa nani ma Cirha, Sokuza ngo Yesu, umnini kuvuna, Kuvusw' abasele, ngu Nyange lemihla, Ngu Timla betuke, ngu Gumbi la moya. W. W. G.