IsiXhosa Intellectual Traditions (IsiXIT) Digital Archive

IJURI imfumene engenatyala u Rev. John D. Don ngokuti kwincwadi awayeyibhalile u Pelser wase Bekesdorp ngumbulali. Ngokoke ite unguye. UNYANA omkulu ka Mr. Baker, ititshala endala yase Heald Town ose Bensonvale ubhubhe ngolwesi-Bini Iweveki egqitileyo 10 November 1885. U MR. DON ubuya ngolwesi-Hlanu e Rini, amanene omzi alungiselela ukumamnkela ngemigcobo ekungeneni kwake kulomzi wase Qonce. Kunqweneleka abantsundu bebenenteto abamenzela yona Emcancatweni yokumbulela ngokulwa idabi labo. LENDLELA intsha izakubandakanya u Gcaleka ne Cawa iseliqaliwe ecwebeni le Xesi kwizibuko Lentlalo. Abanyebabhekisa e Monti abanye e Cawa ukumba kwabo. U RULUNELI u Sir H. Robinson iyakubuyela e Kapa ingabanga saya e Lusutu Yoya kufika kodwa e Bloemfontein. U MR. DE WET, Umpatiswa Micimbi Yabantsundu ubese Somerset ekupeleni kweveki egqitileyo ekwindlela yokuya e Mampondweni eyakugqita kwa Komani. Ute selehamba watiwa—khu sisifo wabuyela kwakulomzi. ABATABATI be Mvo bayayalezwa ukuba bayitumele nge Post Office Orders imali yabo yezinyanga zintatu singene kuzo. UMLILO omkulu usand' ukutshisa izindlu ezikumakumakulu amatatu e Gal¬veston e America. KE kwatengiswa izagwityi ezidutyulweyo ezikumakulu amabini kwi marike yase Cawa ngeveki egqitileyo, zihambe kwi 9d ne 1s 6d ngesiswenye sentaka ezimashumi mabini. INDLEKO zokunyanga ingqakaqa kwesisitili zafikelela kwi £1,661 18 6 U ALFRED FARR inene elimhlope lase Nyara unikwe yi jaji iminyaka emine ngokutshisa ivenkile yake. U MR. WOLF, olilungu le Palamente lase Dayimani, upesheya, uzama iqinga lokuba kwenziwe uloliwe oyakusuka e Kimberley aye e Klip Drift. IQELA la Batembu abanganeno kwe Ndwe beliye kumantyi wase Komani ngolwesi-Hlanu ukuya kwaneka pambi kwake indawo orora ngazo lomzi ku Rulumeni. Umantyi ubatembisile ukuba uyakuyitumela inteto yabo. AMADULI abeko ngaleveki igqitileyo pakati kwa Mampondo enkosi u Josiah Jenkins no William Nota, e Rode. Abantu besosikolo bakutshiwe ekaya nga Mampondo, basabela kwa Baca. Unyana ka Nota ungxweleriwe. SEKE kwako elinye idabi pakati kwa Mampondo na Mabaca. AWELIPEZULU ngase Bekesdorp abika ukuba ziqalile ukubonakala inkumbi. IXABISO lombona e Mgungundlovu likwi 12s ne 12s 6d ngengxowa. INDAWO yobufundisi base Tshatshi ka Rev. Canon Woodrooffe, e Somerset yamnkelwe ngu Rev. J. Cookson wase wase Dordrecht. U HON. J. W. SAUER, M.L.A., usazakuke ahambele e Alvani, apo angahlala nokuba inyanga zine. KUNE imvula ezinobom ngo Mgqibelo. INGXELO yetyala lika Mr. Pelser yongeniswa kwi Mvo zeveki ezayo.