IsiXhosa Intellectual Traditions (IsiXIT) Digital Archive

UMCIMBI KA MABANDLA. UMZI wakowetu uyakukoliswa kukuva ukuba umcimbi walomnumzana uyaxoxwa emapepeni Amangesi, nokuba ihambiso ka Mr. DE WET iyohlwaywa. Ela Mabhulu lase Kapa i Het Volksblad liti: — Bokumbula abafundi ukuba kwezinyanga zimbalwa zipelileyo isibonda esintsundu, esingu Mabandla, sakntshwa kwidiniso lakwa Rulumeni sahlutwa nentlaulo yaso ye £12 ngonyaka, kuba wasuka wanenteto azenzayo kwintlanganiso engemicimbi yolaulo. Amapepa. endaba kwanamalungu e Palamente ayigweba lento, ngokoke kwabonakala kutunyelwa u Mr. Dick ukuba awucedulule lomcimbi, umfumene engenatyala u Mabandla wabuya wamiselwa endaweni yake ke ngu Mr. De Wet, yati into ebeyoniwe kuqala yaba ilungisiwe. Lento ayipelanga apa. kwi Mvo Zabantsundu sitabate inteto engebakala lakutshanje ngawo lomcimbi, esingavuyayo ete u Rulumeni wayicaza mhlaimbi wayikanyela inteto ye Mvo ukuba ayinabunyaniso, kuba makabe naye u Rulumeni uyazi ulonakalo oludla ngokubako ekutini into enje iyekelelwe ingavisiswanga ezindlebeni zabantsundu. Elase Bayi i Port Elizabeth Telegraph, elingazanga lazifihla imvo zalo kwinto ezipatelele kwabantsundu lenza lamanqaku siwalandelisayo kwangalomcimbi: — Ukupenulwa kwenkosi ya Mabhele, engu Mbovane Mabandla, inkosi yesizwe esikulu sa Mamfengu, kuqumbise into eninzi yabamnyama kwelase Maxoseni. Singamfundisa siti ga apo sitanda kona ontsundu, kunqabile nkumenza ukuba imbeko ebimkelwa ezinko. sini ngoyisemkulu angayinikeli. Uti Umxhosa uokuba yi Mfengu akuba ezelwe eyi. nkosi afe eyinkosi. Kwamhla wazalwa kude kube mhla afaya ukangelwe njengenkosi nokuba selekutshwe ngu Mpatiswa Micimbi Yabantsundu amaxesha alishumi linambini kwanemantyi ezilishumi linambini zikuha. mbise oko. Abafundi betu bangabuza ke ukuba ungubanina Unkosi u Mbovane, ebeuze ntonina ukuze akutshwe. Soka ngendlelana emfutshane siyipendule lemibuzo. Wonke wolikumbula iliza apa eladlula pezu kwabantu belilizwe ngemini zokufika kuka Sir C. Warren ukuza kuxhasa igama le Nkosazana. Swazi ukuba n Rulumeni wazinqanda zonke izicaka zake ekunikeni imbeko ku Sir Charles. Ababengepantsi ko Rulumeni ababanga namntu ubohlwayayo. Abantsundu balandele abamhlope ngokwenza intlanganiso. Bafundisiwa ngabamhlope ukuba umteto uyavumela ukuba kwenziwe intlanganiso kuxoxwe. Kwenye yezintlanganiso kwabako isigqibo angavisisani naso lo Rulumeni. Sisigqibo esasincoma impato entle yolaulo Iwe Nkosa¬zana ngokoke sisiti eyase koloni apa ayilunganga. Esinye isigqibo sibe sesiti eli inali- patwe e Ngilane. Oku kumoyikisile u Rulu- meni, woyike okunye akuva ukuba Uukosi u Mbovane nbengowenani ekubeni esamnkela £12 kuye ngonyaka. Ubekwe ityala ke u Mabandla, walwa wonke ke umzi omhlope nontsundu. Usuke u Rulumeni wabeka zi- zatn zimbi zokumkupa ezinjengokuba esalela abantu ukuba bangarafi; eqeshisa ngomhla. ba ka Rulumeni nangezinye incuku ezininzi. Ude ngemizamo emininzi wenza ukuba umcimbi wake upulapulwe, isimanga kukuba upulapulwa selegwetyiwe endaweni yokuba kube ngapambi koko. Ude Umpatiswa Micimbi wavuma ukummisela endaweni yake. Esisenzo sibonisa ukuba nokuba wayengemsulwa kanye kodwa kwakuko indawo ezibonisayo ukuba ubengenatyala lityulu. Etnva koku kuvele u King (kumnkaui) ongamaziyo u Josefu. U Mr. King, ongamehlo emantyi e Xesi, ubuye wayivusa inteto ngayo ke u Mabandla ukwelelisiwe. Kubonakala ukuba udlelwe indlala ngesisenzo, sibhekisa ku Mpatiswa Micimbi Yabantsundu ukuba, kuyinto elungileyona ukungxwelera intliziyo zabantsundu ngentwana eyeyeke kangaka. Bekungeko mbangi yokukwenza oku. Kukubulala impukane ngesando esikulu samatye. Abantsundu abaneliswa yilento. Sityelwa ukuba kunganeliswa into eninzi yabantu ngokuti esisigqibo asiguqnle u Mr. De Wet. Ukuba ungxanyelwe u Mabandla makangakutshwa ngento angati angabi nentlcni ngayo umntu omhlope.