IsiXhosa Intellectual Traditions (IsiXIT) Digital Archive

KUNGOSIZI olukulu esibika ukubhubha kwendodana engu Mr. George Baker, Jr., umpati wesikolo sase Cumgce, Emampondweni. Ubulewe sisifo samapapu, ekutiwa yi consumption, Emtata, ngolwesi- Bini Iweveki egqitileyo, 10 November, ebudala bukwiminyaka emashumi mabini anantatu. Umfi lo ngunyana omkulu ka Mr. George Baker, umfundisi omkulu wododana kwisikolo sododana oluntsundu e Pousonvale, umhlobo nomkonzi omdala ongadinwayo wezizwe ezintsundu, ominyaka ikumashumi omabini anesihlanu esebenzela izizwe ezintsundu. Uqale ukufunda e Heald Town, emva koko e Bekesdorp pantsi kwenye yetitshala ezibukali zase koloni u Mr. Arthur Goodger, F.G.S., utunyelwee Ngilane kwi Taunton College. Ebuyile uncedise uyise e Heald Town, esusiwe apo usinge e Bensonvale kulendawo akuyo uyise, unduluIwe apo way a e Thaba Nchu apo ahlale wada wacitwa yimfazwe ka Samuel Mo- roko. Utunyelwe ke e Cumgce. Zisibozo ngoku iveki wanqumamayo emsebenzini ngenxa yokufa oku kumsusileyo namhla. Into ezinkulu ebesizilindele kuye sisiti uyakutabata umkondo woyise mazibeke zibhangile nokukubhubha kwa- ke esemncinane kangaka. Elixake sivakalisa olwetu usizi olunzulu singa singukhuza usapo Iwakowabo nomzi wakowe- tu ngokulahlekwa yindodana ebebebeke kuyo intonga mayelana nokunyuswa kohlanga. ITYALA apa elikulu ekade likangelwe lo Rev. John D. Don lipele ngo Mvulo ngokukululwa kwake yi juri ete akanatyala. Esi sisigqibo esikulu, siswele ubuciko bokuvakalisa uvuyo Iwetu ngenxa yaso. Isizeka bani selityala kukuba lo Rulumeni wabeka u Rev. Mr. Don, umfundisi walapa obekwe kunene wa Masko- tshi, ityala lokuba esuke wavakalisa emapepeni endaba ukuyitiya kwake inqubo ka Rulumeni malungana ne Bhulu elingu W. J. Pelser lase Bekesdorp eladubula umntu omnyama ongu Zakariya ekuqaleni kwalonyaka. Lo Pelser akapatwanga ngendla yababulali ukuba asuke aba- njwe ze ityala lake liyekutetwa yi Jaji; kubonakele u Rulumeni eyidukisile, unanamhla akakasixeli isizatu sokwenjenjalo kwake. Usuke kodwa wangena kwenkulu indleko yokutshonisa umfu- ndisi wendaba ezingcwele kuba esuke wabuza. Naso ke isiqamo namhla—kutiwe ubengaposisanga yi juri. U Tixo ubengakwisicaka sake. Umzi ontsundu uyakuvuyiseka kakulu ngenxa yesisipelo sehlazo elikulu. Kulungiselelwa ukumamnkela ngemigcobo u Mr. Don ukufika kwake ngolwesi-Hlanu. Siyatemba amawetu akasakuba ngamajingxela kuba eliduli liliwe ngenxa yabo