IsiXhosa Intellectual Traditions (IsiXIT) Digital Archive

[IVELA KUMBHALELI WETU.] November 30, 1885. I Ronaskap yesipantsi kuka Rev. W. J. Hacker imiselwe ukuba se Gcuwa nge 9 ka December ozayo, kufuneka iyingqungqutela ndawonye kuba yindlala, akunakuhanjlswa esizwgui senkosi nganye. Ngo Mvulo we 16 wayo lenyanga kubi- we inkabi yenkomo ka Capt. Veldtman, suke u Ngoloti kutiwe kuyeyalusa inkabi ezi zivela kulima entla komzi lo ka Lavisa, suke azishiye kusati ratya, kanti isela lite xwa kweli lika Lima lazitabata zafunyanwa kusasa kwelotafa Lomcubazi sezintlanu, enye seleyitatile amanye; azi ayakunqunyulwa ninina indlebeamasela. Ute umfo obegqita inile nje imvula e Tutura amahashe atyebe kakulu, asuke afake ngangokuba ainankonyana ayapela kukubulawa ngamasi onina. Imvula inile amasimi akangeleka ku- hle, umntu kubonakala ukuba makalime yindyebo kakulu. Ogqite Ezazulwana uti, eka Capt. Veldtman ingqolowa ikangeleka ntle pambi kwendlu yake. Fan' ukuba yona eka Mr. Mazamisa ingqolowa seliza kunceda abantu. Ovela e Toleni uti i teacher yakona ibi- belwa kakulu igusha zayo, suka yazilalisa endlwini etshixwayo, lasuka isela lahlahla indlu ngasemva lemnka nesihlanu senkabi, kute emkondweni kwacolwa incwadi engenagama lamntu, kodwa ibhalwe yimantyi yase Ngqamakwe uku- ba ubani lo makafumane utywala babe- lungu; ute wakulaldeka umkondo kwabanjelelwa apa encwadini; asazi eliyakutetwa ngumantyi ngelinxila lake lize kuqabula ngegusha ze teacher. Baninzi apa e Mamfengwini abalingqi- nayo izwi elavakala kwi Mvo, lokuti lenyanga iba nobushushu nemvula solo- ko itwasile nje imi ngolohlobo kanye. Nge 17 November u Samuel Kwatsha ubeze entlanganisweni yesiqingata, suke ati selelibopile ihashe lake xa agodukayo, waya kwa Jali Tombela, ute epuma seku- hlwile laye ihashe selitatyatwe lisela; lafunyanwa emva kwentsuku ezimbini seliqweshela apo lalitengwe kona. Ku- bonakala ukuba isela lalifuna isali nemi- kala, kuba lifunyenwe selingasenazo so- nke. Lon to ke ininzi apa e Gcuwa, ubo- lumnka xa ungumhambi. Uti ovela e Caba, kute kwesika B. Mal- rasi umninimzi evarashela igusha zake wabona isela seliyitwele enye, walitsibela ngomkonto, walinxula ngapandle kwe- mbombo, layilahla lamkumbula, lamo- yisa ngamandla, lahlala yezu kwake lamkama; kude kwanesitukutezi usapo, ukuti kuteni ubawo angabuyi, lwaya, Iwatika selegquma uyise, lwabiza abantu labanjwa isela. Kanti ikwayimimelwa- ne le ingamaqaba. Ifike imantyi ya- mgweba inyanga ezintandatu esebenza kanzima. Abantu abebese Bika izolo bati bambo- nile efika kona umkangeli wezikolo u Canon Woodrooffe. Iungisani zi teacher kuzakumiwa emhlahlo ngezinyanga.