Koegas Ook Koegas(Brug), (-Puts)
Volgens Topo-kadastrale reeks 1960 vel 3324 Port Elizabeth word die naam Boesmansrivier nie meer gebruik vir hierdie rivier nie; dit staan bekend as Koegarivier en vloei op 3324 DA by Grootrivier saam om daarna die Gamtoos te vorm. Die plase De Couga nr Uit. Q. 2-44 en Couga Poort nr Hu. Q. 4-17, onderskeidelik in die huidige distrikte Willowmore en Hankey op K 3324 CB en K 3324 CB/DA resp., is aan die Koegarivier gelee, en sal hulle name aan die rivier ontleen het, m.a.w. die grondwoord is Khoekhoens vir 'seekoei'. Daar is baie vindplase vir 'seekoei' in Ou-Kaaps (HOTT 439), goed oorgelewer, en hulle stem goed ooreen met Nama ǃkao-, Ikhau-, asook met die eerste lid van die riviernaam hierbo; die -gha is klaarblyklik soos Nama -xa = 'volop van, ryk aan'. Die inboorlingnaam beteken dus 'Seekoeirivier', in Nama Ikaos [Ikhaosl (Rust 1960 DNW 22).