Kirrie
Dit geld hier die huidige plaas Kiriis-Ost nr 233 (voorheen nr 28), dist. Keetmanshoop, gelee noord van Aroab. Daar is ’n pan op die plaas. Ons word gekonfronteer met die onsekerheid aangaande die suigkonsonant. Hahn skryf die dentale ǀ, Schultze wys die serebrale ǃ beslis af, en hy en Witbooi (dit is hier die skryfkundige hoofman Hendrik) gebruik die palatale =f=. Dit stem dan ooreen met die verklaring van KIRRIE 2918 met die betekenis van gly, uitgly, by name by 'n fontein/bron, soos aangedui deur die lokatiewe -s, femininum- vorrn. Hou dit ook verband met die pan op die plaas en sy glyerige oppervlakte? Hoe ook al, die plaasnaam het niks te doen met ’n (knop)kierie nie, of met 'n jakkals nie, kyk KIRIIS-WEST. Dit beteken die 'Glyerige Plek/Bron/Pan'.