ǂNūǂgoaes
Hierdie drie verteenwoordigende name uit APN 1951 152 is gekies as samestellinge waarvan ’n bestanddeel die lid Hottentots- is. Hierdie lid is van oorsprong Khoekhoens. Sy oudste tot dusver bekende dokumentasie is uit 1620, dan in die vorm Hautitou (gebruik deur A de Beaulieu, en dus volgens die Franse spelstelsel uit te spreek). Dan verskyn dit in 1623 by die Yslander Jon Olafsson as 'Hottentot'. Dr R Raven-Hart het deur die hoofargivaris van Reikjavik laat vasstel dat die vorm in die oorspronklike Deens van Olafsson se manuskrip inderdaad is soos dit in Phillpotts se vertaling in Engels staan, nl. 'Hottentot'. Die naam het allerlei wisselvorme in die vroee optekeninge gehad. Dit was die formule wat die Khoekhoen gebruik het as hulle dans. Later het die woord van die danslied oorgegaan op die dansers, 'hottentot' het geword 'Hottentot'. Vgl. verder Hoofstuk III.