ǃKhubub
Gelee noordnoordwes van Loeriesfontein. Aan die voet van Kubiskowbergreeks le Camdinifontein op sy kaart. Op Topo-kadastrale reeks 1967 vel 3018 Loeriesfontein word die bergreeks ook aangegee ten noord- noordweste van Loeriesfontein, dist. Calvinia. Dit is ’n opvallende verhewenheid. Ander spellingvariante is Kobies Kouw en Kobiskow. Vandag word dit gespel soos in die opskrif hierbo. Die slotlid -kauw of -kow, in Ou- Kaaps cou, koe, ku ens. (HOTT 217-8) lyk sonder veel twyfel na die woord vir 'berg', in Nama van vandag gedevelariseer tot ǀ(k)ui-, sodat daar met die Afrikaanse lid ’n toutologie tot stand gekom het. Vir die eerste lid kan miskien gedink word aan Nama =f=ga- = 'glatzkopfig' (Kr.-R. 1969 NW 97), 'bleskop- pig', wat op die voorkoms van die berg sal slaan. Omdat die klinker in =f=ga moeilik verbindbaar is met die uitsprake Koei- (Du Plessis, kyk onder), Ki-Koe en Ku-, kan miskien aansluiting gesoek word by ǀkou = 'strahlen' (Rust 1960 DNW 59). Die verband met 'n fontein sal uitgedruk wees met die fern, sing, -s in -bis: die -s se (o.m.) dat die naam 'n fontein kan benoem. Vgl. ook dr Du Plessis 1973 Ondersoek 110-1,waar nog ander verklarings genoem word. Die meeste van hierdie verklarings, indien nie almal nie, is oogfilologies of volksetimologies. Ons sien geen rede waarom die oudste verklaring, nl. die van Gordon, nie aanvaar kan word nie, al kan ons dit taalkundig nog nie bevredigend tuisbring nie.
